Qalalyq máslıhat janyndaǵy turaqty komıssııanyń otyrysynda oblys ortalyǵyndaǵy basty kóshelerdiń birine Elbasynyń esimin berý máselesi talqylandy.
«Asyl mura» ǵylymı-shyǵarmashylyq ortalyǵynyń jetekshisi Tańat Súgirbaev Mır kóshesin N. Nazarbaev esimimen ataýdy usyndy. Ol óz sózinde Qazaqstan Respýblıkasynyń Tuńǵysh Prezıdenti N.Á. Nazarbaevtyń qurmetine Astananyń atyn ózgertý, árbir qalada kóshelerdiń birine Elbasynyń esimin berý týraly usynysty soltústikqazaqstandyqtar qyzý qoldap otyrǵanyn aıta kelip,Mır kóshesi laıyqty ekenin jetkizdi.
«Turǵyn úı, kommýnaldyq sharýashylyǵyn jańǵyrtý jáne damytý» oblystyq fılıalynyń dırektory Sergeı Hýdıakov, qoǵamdyq keńes múshesi Vıktor Bondarenko, qalalyq máslıhattyń depýtaty Vladımır Vıtchenko bul oımen kelisetinderin bildirdi.
Turaqty komıssııanyń músheleri usynysty bir aýyzdan qoldap, sessııa qaraýyna usynatyn boldy.
О́mir ESQALI,
«Egemen Qazaqstan»
Soltústik Qazaqstan oblysy