19-20 naýryz aralyǵynda Ispanııada Syrtqy ister mınıstriniń orynbasary Ermek Kósherbaev bastaǵan qazaqstandyq delegasııanyń qatysýymen «roýd-shoý» ótti. Bul týraly Syrtqy ister mınıstrliginiń baspasóz qyzmeti habarlady.
Delegasııanyń quramyna Energetıka, ındýstrııa jáne ınfraqurylymdyq damý, aýyl sharýashylyǵy mınıstrlikteriniń qurylymdyq bólimsheleriniń basshylary, «Samuryq-Qazyna» UÁQ» AQ, «Báıterek» UBH» AQ, «Kazakh Invest» UK» AQ, «Astana» halyqaralyq qarjy ortalyǵynyń ákimshiligi, «Agrarlyq nesıe korporasııasy» AQ, «Astana» ÁKK» AQ, «Aqtóbe» ÁKK» AQ, «Oral» ÁKK» AQ, Qazaqstannyń kún energııasy qaýymdastyǵy, sondaı-aq qazaqstandyq jeke kásiporyndardyń ókilderi kirdi.
«Roýd-shoý» baǵdarlamasynda 80-ge jýyq ıspan kompanııalarynyń qatysýymen qazaqstan-ıspan bıznes-forýmyn ótkizý, eldiń IJО́-niń 20%-dan astamyn jáne shetelge salynǵan ınvestısııalardyń 50%-yn quraǵan kompanııalar men bankter kiretin Ispandyq eksporttaýshylar men ınvestorlar klýbynyń múshelerimen kezdesý boldy.
Syrtqy ister mınıstriniń orynbasary E. Kósherbaev, Ispanııanyń saýda jónindegi memlekettik hatshysy Shıana Mendes pen Qazaqstannyń Ispanııadaǵy Elshisi Konstantın Jıgalovtyń baıandamalarynda Qazaqstan men Ispanııa arasyndaǵy ekijaqty yntymaqtastyqtyń qarqyndy damýy jáne aǵymdaǵy jyly onyń jandanýy, strategııalyq áriptestik týraly shartqa qol qoıylǵan kúnnen bastap onjyldyqta yntymaqtastyqtyń qarqyndy damýy atap ótildi.
Qazaqstandyq delegasııanyń basshysy Syrtqy ister mınıstrliginiń jańa fýnksııalary týraly aıtyp, Qazaqstannyń ınvestısııalyq tartymdylyǵynyń negizgi quramdas bólikterin sıpattady.
Qazaqstandyq delegasııa ókilderi kóliktik ınfraqurylym, jańartylǵan energetıka, qorshaǵan orta, agroónerkásip sektory, bıotehnologııa, farmasevtıka, qurylys, ınjınırıng, sandyq tehnologııalar, qorǵanys jáne aeroǵarysh ónerkásibi, avtokomponentter óndirisi, stanok jasaý, metall óńdeý, elektrotehnıka sııaqty salalarynda ınvestısııalyq jáne tehnologııalyq yntymaqtastyq múmkindikterimen tanystyrdy.
Ispan seriktesteriniń Qazaqstannyń geografııalyq ornalasýy jáne bizdiń elimiz arqyly ótetin kólik-logıstıkalyq baǵyttardy eskere otyryp, qosymsha quny bar birlesken ónim óndirisin qurý tartymdylyǵyna nazary aýdaryldy. «Astana» Halyqaralyq qarjy ortalyǵy negizinde iskerlik baılanystardy damytý keleshegine erekshe kóńil bólindi.
Syrtqy ister mınıstriniń orynbasary E. Kósherbaev Ispanııanyń Saýda jónindegi memlekettik hatshysy, ekonomıka jáne ónerkásip salasyndaǵy qazaqstan-ıspan Úkimetaralyq komıssııasynyń teń tóraǵasy Sh. Mendespen kelissózder ótkizip, onyń barysynda ekijaqty saýda jáne ınvestısııalar salasyndaǵy keń aýqymdy máselelerdi talqylady.
Forým aıasyndaǵy ekijaqty kezdesýlerge mańyzdy ról bólindi. Sonymen, E. Kósherbaevtyń «Acciona Energy» Bas atqarýshy dırektory Rafael Mateo jáne «Abengoa» kompanııasynyń Vıse-prezıdenti German Beharanomen (eki kompanııa da Forbes Global 2000 reıtıngine kiredi) kezdesýi barysynda Qazaqstanda jańartylatyn energııa kózderiniń (JEK) aýksıondyq saýda júıesi týraly prezentasııasy ótti. Kompanııalar aǵymdaǵy jyly Qazaqstanda ótetin JEK salasyndaǵy ınvestısııalyq jobalardy iske asyrý boıynsha aýksıonǵa qatysýǵa shaqyryldy.
Qazaqstandyq delegasııanyń Danobat, Mercasa, ACS Industrial, Arteche, Tecnove Security, Elecnor, IGEN, CAF, NEFTAN, Russel Bedford, Grupo Anka, Temagra, Globaltec, ARPA, Techno Concrete, Raesa jáne taǵy basqa ıspan kompanııalarymen kezdesýlerdiń qorytyndysy boıynsha saýda-logıstıkalyq ortalyqtardyń qyzmeti, aýyl sharýashylyǵy ónimderin óńdeý jáne eksporttaý máseleleri , sondaı-aq ıspan tehnologııalaryn stanok jasaý jáne elektrotehnıka salasyna tartý máseleleri boıynsha yntymaqtastyqtyń áleýeti belgilendi.
Madrıdte ótken is-sharalardyń qorytyndysy boıynsha 20 naýryzda jetekshi ıspandyq BAQ-tyń qatysýymen brıfıng ótti. «Roýd-shoý» qorytyndylarynan basqa, jýrnalısterdi Qazaqstan Prezıdenti ókilettiligin Parlament Senatynyń Tóraǵasy Qasym-Jomart Toqaevqa tapsyrýymen baılanysty máseleler qyzyqtyrdy.
Qazaqstan SIM basshysynyń orynbasary E. Kósherbaev Elbasy Nursultan Nazarbaevtyń qabyldaǵan sheshimi men odan keıingi prosedýralary QR Konstıtýsııasy men zańdaryna sáıkes júzege asyrylatynyn atap ótti. Qazaqstan óziniń halyqaralyq mindettemelerin berik ustanyp keledi, eldiń syrtqy saıası baǵyty ózgerissiz qalady.
2018 jyly Qazaqstan men Ispanııa arasyndaǵy taýar aınalymy 2 mlrd. AQSh dollardan asyp, onyń ishinde Qazaqstannan Ispanııaǵa eksport 1 mlrd. 862 mln. dollaryna jetse, Ispanııanyń Qazaqstanǵa ımport kólemi 179,5 mln. dollaryn qurady.