Jetisý jurty Ulystyń uly kúnin atap ótti. Aımaqtyń barlyq aýdan ortalyqtary men aýyldarynda jalpyhalyqtyq mereke uıymdastarylyp, Narýyz naqyshtaryna saı sharalar ótti.
Oblys ortalyǵyndaǵy Naýryz merekesi búgin bulaq kózin ashýdan bastalyp, aǵash otyrǵyzý men sábılerdiń tusaý keserine jalǵasty. Bárnen qýanyshtysy, búgin Taldyqorǵanda 56 páterli turǵyn úı paıdalanýǵa berilip, baspana ıeleri qonys toıyn toılady.
Qaladaǵy negizgi merekelik shara «Jastar» saıabaǵynda uıymdastyryldy. Munda turǵyndar men qala qonaqtaryna 5 myń lıtr Naýryz kóje men 1 tonna baýyrsaq tegin usynyldy.
- Áz Naýryz – eńsesi bıik eldiktiń, irgesi bekem birliktiń, sarqylmas yrystyń bastaýy. Ulystyń uly kúnin halqymyz jyl saıyn shat kóńil, keń peıilmen qarsy alady. Bul mereke kóp etnosty Qazaqstan halqyn dostyq pen tatýlyqqa shaqyryp, ıgi isterge jumyldyryp keledi. Jyl basy sanalatyn osy mereıli kúninde ótken jyl elimiz úshin tabysty kezeń bolǵanyn rızashylyqpen aıtamyz. Jyl basy Naýryz Otanymyzǵa jańa tabystar ákelsin. Qazaqstannyń abyroıy artyp, aıbyny asqaq bolsyn! Ulystyń Uly kúni ár shańyraqqa baqyt pen shattyq ornap, qut darysyn! Barshańyzǵa kóktemdeı kóńil kúı, molshylyq, bereke-birlik tileımin! Ulys oń bolsyn, mereke qutty bolsyn! – dedi merekelik quttyqtaýynda oblys ákimi Amandyq Batalov.
Qalmahanbet MUQAMETQALI,
«Egemen Qazaqstan»
Almaty oblysy