Halyqaralyq qaýymdastyq úshin qazaqstandyq basshylyqtyń ishki jáne syrtqy saıasaty sabaqtastyǵynyń saqtalýy men beıbitshil ustanymynyń jalǵasýy jóninde jasaǵan tııanaqty málimdemesi mańyzdy boldy. Bul jóninde IýNESKO Bas dırektory Odre Azýle óziniń Qazaqstannyń Fransııadaǵy Elshisi ári Uıym janyndaǵy Turaqty ókili Jan Ǵalıevpen ótken kezdesýinde aıtty.
Nursultan Nazarbaevtyń Qazaqstan halqyna úndeýi men Memleket basshysy Qasym-Jomart Toqaevtyń Parlament palatalarynyń birlesken otyrysynda sóılegen sóziniń mátinderin tabystap, otandyq dıplomat Elbasy sheshiminiń sebepteri men qısynyna túsinikteme berdi jáne memleketimizdiń sheteldik seriktesteriniń aldynda alǵan barlyq mindettemelerin buljytpaı oryndaý jónindegi mindettemelerin qaıta rastady.
О́z kezeginde O. Azýle usynylǵan aqparatqa rızashylyǵyn jetkizip jáne Qazaqstannyń IýNESKO-men dástúrli negizdegi mazmundy yntymaqtastyǵyn arqaý etip, onyń aldaǵy ýaqytta da oń baǵytta damıtynyna senimin bildirdi. Ol sondaı-aq elimizde Jastar jyly aıasynda keshendi is-sharalardyń qolǵa alynýyn quptaıtynyn aıtty.
Suhbattasýshylar Uıym mandatynyń sheńberindegi aǵymdaǵy árekettestiktiń birqatar naqty máselelerine toqtaldy, sonyń ishinde Qazaqstanda IýNESKO qamqorshylyǵyndaǵy ekinshi sanattaǵy ınstıtýttar retinde Ortalyqazııalyq óńirlik glıasıologııalyq ortalyq pen Mádenıetter jaqyndasýynyń halyqaralyq ortalyǵyn qurý úderisin.
Kezdesý sońynda Elshi eki qurylym arasyndaǵy ózara tıimdi yntymaqtastyqqa kórsetken qoldaýy úshin O. Azýleniń TIýRKSOI Túrki mádenıetiniń halyqaralyq uıymnyń 25-jyldyǵyna oraı marapattalǵanyn jetkizip, Bas dırektorǵa tıisti medaldi tabystady.
Esterińizge sala ketsek, Qazaqstan1992 jyldyń 22 mamyrynan bastap Bilim, ǵylym jáne mádenıet jónindegi Birikken Ulttar Uıymynyń (IýNESKO) tolyqqandymúshesi bolyp tabylady. Bedeldi halyqaralyq uıymmen yntymaqtastyǵymyzdy QRIýNESKO jáne ISESKO jónindegi Ulttyq komıssııasy úılestiredi. Memleketimizuıym aıasyndaǵy 15 halyqaralyq konvensııanyń tarapy bolyp tabylady. Osy kúngedeıin derekti muranyń «Álem jady» halyqaralyq tizimine - 3, Dúnıejúzilik muratizimine – 5, materıaldyq emes mádenı mura tizimine – 10, bıosferalyq rezervattarjelisine – 10, aıtýly mereıtoılar kúntizbesine – 21 otandyq usynym engizildi. ElimizdeIýNESKO-nyń 5 kafedrasy, 31 qaýymdastyrylǵan mektebi, 50-den astam klýby isteıdi. Tuńǵysh Prezıdent - Elbasy N. Nazarbaevtyńbastamasymen BUU Bas Assambleıasy óz qararymen 2013-2022 jyldar merziminMádenıetter jaqyndasýynyń halyqaralyq onjyldyǵy etip jarııalady jáneIýNESKO-ny tıisti baǵdarlamany júzege asyrýǵa jaýapty qurylym retinde belgiledi.