Qasym-Jomart Toqaevtyń úshinshi megapolıske sapary kezinde óńirdegi ındýstrııalyq damý baǵdarlamasynyń, «Ońtústik» arnaıy ekonomıkalyq aımaǵyndaǵy ınvestısııalyq baǵdarlamanyń júzege asyrylý barysy men jeńil ónerkásip nysandary qyzmetiniń negizgi kórsetkishteri týraly aıtyldy.
Memleket basshysy sapary kezinde kásipkerlik nysandardy aralap, jergilikti «Azala tekstıl» fabrıkasynyń jumysymen tanysty.
«Azala tekstıl» jobasy údemeli ındýstrııalyq-ınnovasııalyq damý baǵdarlamasy aıasynda júzege asyrylýda. Búginde munda 650-den astam adam eńbek etedi. Kásiporyn naryqqa kórpe men jastyq tysy, súlgi men jaımalar, turmysqa qajetti toqyma buıymdaryn shyǵarýda. Aıyna 500 tonna maqtany óńdeıtin fabrıkada 1,5 mıllıon metr mata toqylady.О́z ónimderin alys jaqyn shetelderge de eksporttaıdy. Osylaısha toqyma fabrıkasy qaladaǵy eń úlken kásiporyndarynyń birine aınalǵan.