Bul týraly Mádenıet jáne sport mınıstri Arystanbek Muhamedıuly feısbýk paraqshasynda jazǵan.
«Barlyq balalardy erteń, 24 naýryz kúni, QAZAQSTAN Ortalyq konsert zalynda bolatyn «Muzbalaq» anımasııalyq fılmin tegin kórýge shaqyramyz. Orys tilindegi seans saǵat 15:00, qazaq tilinde saǵat 17:00-de bolady», - dep jazdy mınıstr.
Buǵan deıin Mádenıet jáne sport mınıstri Naýryz birinshi kezekte bizdiń búldirshinder men jasóspirimderge arnalý kerektigin jazǵan bolatyn. «Otandyq anımasııalyq shyǵarmalardyń ishindegi úzdigi sanalatyn mýltfılmdi 22 naýryz kúni kópbalaly jáne áleýmettik az qamtylǵan otbasylardyń, balalar úıiniń tárbıelenýshileri jáne múmkindigi shekteýli 800-den astam bala tamashalady. Kóne qazaq mádenıetindegi quspen ań aýlaý dástúrin sýretteıtin «Muzbalaq» fılmi balalarǵa erekshe áser etti. Osy joly biz balalar úıiniń tárbıelenýshilerin, múmkindigi shekteýli, kópbalaly jáne áleýmettik az qamtylǵan otbasylardan shyqqan 2500 balany shaqyrdyq. QAZAQSTAN konsert zalyna 3000 adam sııady, oryn barshańyzǵa jetedi, kelińizder! Qýana qarsy alamyz!», deıdi Arystanbek Muhamedıuly.
Buǵan deıin Mádenıet jáne sport mınıstri Naýryz birinshi kezekte búldirshinder men jasóspirimderge arnalýy kerektigin jazǵan bolatyn.