Qazaqstan-Reseı matchynyń ótýine baılanysty qala kóshelerinde keptelister týyndaýy múmkin, dep habarlaıdy elorda ákimdiginiń resmı saıty. Sondyqtan astanalyqtar óz baǵdaryn aldyn ala josparlaýy qajet.
«Qazaqstan jáne Reseı komandalary arasyndaǵy Eýropa chempıonatyna irikteý raýndynyń ótýine baılanysty 24 naýryzda qalanyń sol jaq jaǵalaýyndaǵy Turan, Qabanbaı batyr dańǵyldary, Kereı men jánibek handary, Saraıshyq sııaqty kóshelerde keptelisterdiń týyndaýy múmkin ekendigin habarlaımyz», dep jazdy óziniń feısbýktegi paraqshasynda qoǵamdyq damý isteri basqarmasynyń basshysy Danııar Esın.
Qazaqstan fýtbol federasııasynyń málimeti boıynsha matchty kórýge nıettilerdiń sany kóp. «Osyǵan oraı óz baǵdaryńyzdy aldyn ala josparlaýyńyzdy suraımyz. Al oıyndy kórgisi keletin fýtbol jankúıerlerine «Astana-Arena» stadıonyna matchtyń bastalý ýaqytynan eki saǵat buryn kelýge keńes beremiz», dep atap ótti Esın.
Qazaqstan jáne Reseı komandalary arasyndaǵy match búgin saǵat 20:00-de bastalady.