Bul tarıhı tulǵanyń tarıhı sheshimi. Nursultan Nazarbaev óz málimdemesinde bılikte bolǵan 30 jylyna sholý jasap, memleket tarıhyndaǵy mańyzdy oqıǵalarǵa toqtalyp ótti. Shyn máninde Tuńǵysh Prezıdent óte qıyn, kúrdeli kezeńde el tizginin qolyna aldy. Keńestik Qazaqstan qalyptastyrý jolynda úlken jaýapkershilikti moınyna júktedi. Qıyn-qystaý ýaqytta eldi aman alyp shyqty.
Osynyń bári memlekettik saıasatta sabaqtastyqtyń júretinin kórsetedi. Táýelsizdik jyldary Tuńǵysh Prezıdenttiń el qýatyn eseleýge qosqan eńbegi men úlesi sheksiz. Elbasynyń talaı jylǵy tynymsyz eńbeginiń nátıjesinde Qazaq memleketi jańǵyrdy. Shekaramyz belgilenip, memlekettik rámizderimiz anyqtaldy. Táýelsiz qundylyqtar qalyptasty. Otyz jylǵa jýyq memleket basynda bolyp, qanshama qıyn-qystaý jaǵdaılardan shashasyna shań juqtyrmaı shyǵa bilgen, Qazaqstandy táýelsizdik tuǵyryna qondyryp, álemdik órkenıet kóshiniń aldyńǵy legine qosqan tarlan tulǵa bul joly da parasat bıiginen tanyla bildi. Bul – álemdik órkenıettiń ozyq úlgisi. Osy tarıhı sheshim arqyly ol óziniń adamzattyq qundylyqtarǵa, álemdik demokratııalyq úrdiske, ulttyq múddege adal álemdik deńgeıdegi tulǵa ekendigin dáleldedi.
Búginde Nursultan Nazarbaev pen Qazaqstan egiz uǵymǵa aınalǵanyn eshkim joqqa shyǵara qoımas. Jýyrda ǵana elimizdiń bas ordasy Astana qalasyn Nur-Sultan qalasy dep ózgertý týraly sheshim shyqty. Bul óte ádiletti sheshim, Elbasynyń uzaq jylǵy eli úshin etken eńbegine berilgen bıik baǵa. Osy ýaqytqa deıin egemen elimizdiń aıbynyn asyryp, mereıin tasytqan Astana qalasy budan keıin de Nur-Sultan shahary retinde qazaq ultyn álemge áıgileı beretinine kúmán joq. Sonymen qatar, bas qalanyń Elbasy atymen atalýyn kıeli Áýlıeata óńirindegi partııa uıymdary da belsene qoldaıdy.
Tuńǵysh Prezıdent óz eńbekteri arqyly biz qasterlep aıtatyn «Máńgilik el», «Uly dala eli», «Qazaq eli» sııaqty qasıetti uǵymdardy sanamyzǵa sińire bildi. Sol arqyly ulttyń rýhyn kóterip, kemel keleshekke degen senimin uıalatty. Osy jolda ol óziniń naǵyz saıasatkerge tán qyrlaryn, tulǵalyq sheberlikterin, adamı qasıetteriniń bárin kórsetti. Endi solardyń bári tarıhtyń enshisine aınalyp, uzaq jyldar boıy zertteýshilerdiń nysanasyna aınalatyn bolady. Nur-Sultan qalasynda da keıingi ýaqyttarda el úshin mańyzdy sheshimder qabyldanyp, tarıhı kezeńder qalyptasa beretinine senim mol.
Shábden TILEÝMURAT,
«Nur Otan» partııasy Jambyl oblystyq fılıaly tóraǵasynyń orynbasary, oblystyq Qoǵamdyq keńestiń hatshysy