Búgingi úkimet otyrysynda Indýstrııa jáne ınfraqurylymdyq damý mınıstri jyl sońyna deıin Qaraǵandy oblysynda ferrosılısııa jáne Almaty qalasynda bolat spıraldy qubyr óndiretin zaýyt iske qosylatynyn málimdedi.
«Metallýrgııa boıynsha ótken jyly Shyǵys Qazaqstan oblysynda «Baqyrshyq taý-ken óndirý kásiporny» Jaýapkershiligi shekteýli seriktestiginde taý-ken baıytý kesheni jáne Qaraǵandy oblysynda «Sary-Arka Copper Processing» Jaýapkershiligi shekteýli seriktestiginiń katodty mys shyǵarý zaýyty sııaqty iri jobalar iske qosyldy», dedi Roman Sklıar.
Onyń aıtýynsha, bıyl osy kásiporyndar men «ArselorMıttal Temirtaýdyń» jobalyq qýatqa shyǵýy salanyń josparly kórsetkishke qol jetkizip, óńdeý ónerkásibiniń ósimin qamtamasyz etýge múmkindik beredi.