23 qańtar kúni Tuńǵysh Prezıdent jastarmen kezdesýi kezinde jastardyń usynys, tilekterin tyńdaǵan edi. Sonyń nátıjesinde jańa 5 bastama qosylyp otyr. Bul týraly Aqparat jáne qoǵamdyq damý mınıstri Dáýren Abaev Úkimet otyrysynda aıtty.
Mınıstrdiń aıtýynsha, tórtinshi bastama - «Stýdenttik bastama» dep atalatyn jalpy respýblıkalyq volonterlar qozǵalysyn jáne jas volonterlar bazasyn qurý.
«Osylaısha múmkindigi shekteýli jandarǵa, qarttarǵa, jetimder men jalǵyzbasty, úısiz-kúısiz adamdarǵa kómek kórsetýdi maqsat ettik.
Qazirgi tańda AQSh pen Germanııa turǵyndary jáne aǵylshyndardyń tórtten bir bóligi túrli volonterlik qyzmettermen óz qalaýlary boıynsha aınalysady eken. Kórshi Reseıde volonterlar jyly ótkizilip, erikti azamattar sany 14 mıllıonǵa deıin artqan», dedi ol.
Besinshi bastama retinde medıa-salanyń kelesheginen úmit kúttiretin jastar ókilderin tarta otyryp, Qazaqstan ulttyq brendin alǵa jyljytýǵa baǵyttalǵan jańa quraldardy qurý josparlanǵan.
Qazirdiń ózinde bizdiń sportshylarymyzdyń, óner salasynyń adamdarynyń jetken jetistikteri de elimizdiń oń ımıdjin qalyptastyrýǵa túrtki bolyp otyr, dedi mınıstr.
Alǵashqy úsh bastama týraly osyǵan deıin jazǵan edik.