Premer-Mınıstrdiń Birinshi orynbasary – qarjy mınıstri Álıhan Smaıylov QR Úkimetiniń baspasóz ortalyǵynda ótken baspasóz konferensııasynda elorda ataýyn ózgertýdiń el bıýdjetine salmaǵy týraly aıtyp berdi.
Jýrnalısterdiń suraqtaryna jaýap bere otyryp, Á. Smaıylov Qazaqstan astanasynyń ataýyn Nur-Sultan dep ózgertýge baılanysty normatıvtik-quqyqtyq aktilerge qosymsha qarajat bólý boıynsha ózgerister engizý qajet emestigin atap aıtty. Barlyǵy aǵymdaǵy bıýdjet aıasynda iske asyrylatyn bolady.
«Jaqynda bizdiń astanamyzdyń ataýyn Nur-Sultan dep ózgertý týraly zań qabyldandy, osyǵan baılanysty respýblıkalyq nemese jergilikti bıýdjetten qandaı da bir qosymsha qarajat qarastyrylyp otyrǵan joq. Ortalyq memlekettik organdarǵa kelsek, Nur-Sultan qalasynyń aýmaǵyndaǵy ǵımarattardyń mańdaıshalaryndaǵy jazýlardy aýystyrý úshin qarajat qajet, biraq aǵymdaǵy qarjylandyrý aıasynda olar qarjylandyryla alady, ıaǵnı memlekettik organdarǵa jyl saıynǵy bólinetin qarajat aıasynda», — dedi qarjy mınıstri.
Blank ónimderine qatysty da aıtarlyqtaı shyǵyndar kútilmeıdi.
«Memlekettik organdardyń elektrondy qujat aınalymyna kóshkenin eskerý qajet, sondyqtan blankterdi basyp shyǵarý úshin qandaı da bir aıtarlyqtaı shyǵyndar qajet emes», — dep atap ótti ol.
Jergilikti atqarýshy organdar ǵımarattarynyń mańdaıshalaryndaǵy jazýlarǵa, kórsetkishterge kelsek, Á. Smaıylov atap ótkendeı, olardy aýystyrý asyra oryndaýdy eskerýmen jergilikti bıýdjet qarajaty esebinen iske asyrylatyn bolady.
«Men keshe qala ákimi B. Sultanovpen sóılestim», — dedi Á. Smaıylov jáne jalpy qaladaǵy eskirgen mańdaısha jazýlaryn, kórsetkishterdi aýystyrýǵa jyl saıyn jergilikti bıýdjette qarajat qarastyrylatynyn túsindirdi, ıaǵnı bular aǵymdaǵy shyǵyndar, onyń aıasynda ákimdik osy mańdaısha jazýlaryn, kórsetkishterdi birtindep aýystyrýdy josparlap otyr, aldymen qalaǵa kire beristerde aýystyrylatyn bolady, odan keıin kezeń-kezeńmen qajetti jerlerde aýystyrylady. Basqasha aıtqanda, qala bıligi bul maqsatqa qandaı da bir qosymsha qarajat bólýdi josparlap otyrǵan joq.