Búgin QR Úkimetiniń baspasóz ortalyǵynda ótken baspasóz konferensııasynda Premer-Mınıstrdiń Birinshi orynbasary – qarjy mınıstri Álıhan Smaıylov Úkimet pen Ulttyq bank arasyndaǵy jańa Kelisimniń mańyzdylyǵy týraly aıtyp berdi.
Búgin Úkimet pen Ulttyq Bank arasynda Úkimet pen Ulttyq bank arasyndaǵy úılestirilgen saıasatty júrgizýge baǵyttalǵan Kelisimge qol qoıyldy. Jalpy, sóz mańyzdy baǵyttardy qamtıtyn ózara is-qımyldy kúsheıtý týraly bolyp otyr. Atap aıtqanda, ınflıasııany baqylaý, ekonomıkany qorlandyrý, qarjylyq turaqtylyq, naqty sektordy qalpyna keltirý jáne kóleńkeli ekonomıkany tómendetý.
Premer-Mınıstrdiń Birinshi orynbasary – qarjy mınıstri Álıhan Smaıylov naqtylaǵandaı, Kelisimdegi eń mańyzdysy — bul makroekonomıkalyq saıasatty úılestirý.
«Qarjy-nesıe saıasaty jáne makroekonomıkalyq baǵyt bir-birine baılanysty: bul tusta kelisimdilik pen úılesimdilik kerek. Kelisim 2019 jylǵa jasalǵan bolsa da, ol mazmuny jaǵynan bizdiń ekonomıkamyzdyń birtindep odan ári damýy úshin qajetti uzaqmerzimdik trendterdi aıqyndaıdy. Bıýdjettiń turaqty bolýy, ınflıasııanyń baqylaýda bolýy, al valıýta baǵamynyń edáýir aýytqymaýy mańyzdy. Sonymen qatar kóleńkeli ekonomıkany tómendetip, qolma-qol aqshasyz tólemderdi damytyp, naqty sektordy qalpyna keltirý mańyzdy», — dedi qarjy mınıstri.
Onyń aıtýynsha, ekonomıkaǵa boljamdylyq qajet, sondyqtan Kelisim naryqqa jáne qoǵamǵa «Úkimet pen Ulttyq Banktiń birlesip jumys isteıtin baǵyttary jaıly» naqty belgi beredi.