Beısenbi, 8 qarasha 2012 7:20
Keshe AQSh-ta ótken prezıdent saılaýynyń alǵashqy qorytyndylaryboıynsha qazirgi prezıdent Barak Obama jeńiske jetti.
Respýblıkashyldar partııasynan túsken kandıdat Mıtt Romnı óziniń jeńilgenin moıyndap, jeńimpazdy telefon arqyly quttyqtady. Al Chıkagoda óz jaqtastary aldynda sóz sóılegen Obama Amerıkaǵa jańa serpin berý úshin Romnımen kez kelgen máseleni birlesip talqylaýǵa daıyn ekenin jetkizdi. Obama dástúrli túrde demokrattar úshin daýys beretin shtattarda kóp daýys jınaýy, sonymen birge «ekioıly» kúıde bolǵan Kolorado, Aıova, Pensılvanııa, Mıchıgan, Mınnesote jáne Vıskonsın shtattaryn ózine qarata bilýi arqasynda jeńiske jetti. Al Ogaıo shtatyndaǵy onyń jeńisi sheshýshi ról atqardy.
Beısenbi, 8 qarasha 2012 7:20
Keshe AQSh-ta ótken prezıdent saılaýynyń alǵashqy qorytyndylaryboıynsha qazirgi prezıdent Barak Obama jeńiske jetti.
Respýblıkashyldar partııasynan túsken kandıdat Mıtt Romnı óziniń jeńilgenin moıyndap, jeńimpazdy telefon arqyly quttyqtady. Al Chıkagoda óz jaqtastary aldynda sóz sóılegen Obama Amerıkaǵa jańa serpin berý úshin Romnımen kez kelgen máseleni birlesip talqylaýǵa daıyn ekenin jetkizdi. Obama dástúrli túrde demokrattar úshin daýys beretin shtattarda kóp daýys jınaýy, sonymen birge «ekioıly» kúıde bolǵan Kolorado, Aıova, Pensılvanııa, Mıchıgan, Mınnesote jáne Vıskonsın shtattaryn ózine qarata bilýi arqasynda jeńiske jetti. Al Ogaıo shtatyndaǵy onyń jeńisi sheshýshi ról atqardy.
Shtab bastyǵy tutqyndaldy
Grýzııa astanasynda eldiń qarýly kúshteriniń birlesken shtabynyń bastyǵy Georgıı Kalandadze men qorǵanys mınıstrliginiń 4-shi brıgada komandıri Zýrab Shamatava tutqyndaldy.
Grýzın BAQ-tarynyń málimetinshe, olarǵa qyzmet babyn asyra paıdalandy degen aıyp taǵylýda. Kalandadze túnde shuǵyl túrde qorǵanys mınıstrligine shaqyrylǵan jerinde qamaýǵa alynǵan kórinedi. Tutqyndaý jańa ádilet mınıstri Teı Sýlýkıanıdiń ókimi boıynsha jáne Grýzııanyń jańa bas prokýrory Archıl Kbılashvılıdiń aralasýymen júzege asyrylǵan.
Sırııa astanasyndaǵy jarylystar
Sırııa astanasy Damaskiniń prezıdent saraıy ornalasqan jerge jaqyn aýdanynda birneshe jarylys boldy.
Jergilikti telearna taratqan málimet boıynsha, aýdan aýyr artıllerııadan atqylanǵan kórinedi. Sonyń saldarynan birneshe adamnyń qaza tapqany belgili bolyp otyr. Oqıǵa bolǵan jerge jedel járdem máshıneleri jiberilgen. Jaǵdaıdyń odan ári qalaı órbigeni týraly ázirge naqty málimet joq. Sóz oraıynda atalǵan aýdanda alavıtter dinı sektasynyń ókilderi turatynyn aıta ketý qajet.
Parsy shyǵanaǵymen baılanysty nyǵaıtpaq
Ulybrıtanııanyń premer-mınıstri Devıd Kemeron Parsy shyǵanaǵy elderimen áskerı jáne saýda baılanystaryn nyǵaıtý maqsatynda Dýbaıǵa keldi.
Onyń qasynda qorǵanys mınıstri Fılıp Hammond ta bar. Dýbaıdan soń olar Saýd Arabııasyna barmaq. Ulybrıtanııa Typhoon joıǵysh ushaqtaryn satý boıynsha kelisim-sharttar bekitpek nıette. Premer-mınıstrdiń ókilderiniń aıtýynsha, London BAÁ-ge jáne Saýd Arabııasyna 100 shaqty joıǵysh ushaq satpaqshy. BAÁ-ge sapar barysynda Kemeron Iranmen qarýly qaqtyǵys bola qalǵan jaǵdaıda paıdalaný úshin osy elde brıtandyq áskerı ushaqtardy ornalastyrý múmkindigin de talqylaıtyn bolady.
Sýdan prezıdentine ota jasaldy
Sýdan prezıdenti Omar ál-Bashırge Saýd Arabııasynyń aýrýhanasynda ota jasalǵan.
Prezıdent baspasóz hatshysynyń aıtýynsha, ota tabysty ótken kórinedi. Omar ál-Bashar birneshe saǵattyń ishinde aýrýhanadan shyǵýy tıis. Otanyń ne úshin jasalǵany belgisiz. Osy jyldyń tamyzynda prezıdent tamaǵyna ota jasatty dep habarlanǵan bolatyn. Soǵan baılanysty birqatar BAQ-tarda ál-Bashırdiń densaýlyǵy óte nasharlap ketti degen sybys ta taraǵan edi. Ol basqarǵan kezde Sýdanda birneshe azamat soǵysy bolǵanyna jáne eldiń Ońtústik Sýdan aýmaǵynan aıyrylǵanyna qaramastan 2010 jyly ol qaıtadan prezıdent bolyp saılandy.
Plastık kýpıýralar aınalymǵa shyǵaryldy
Kanada polımerden jasalǵan 20 dollarlyq kýpıýralardy aınalymǵa shyǵardy, dep habarlady Toronro Sun.
20 dollarlyq kýpıýra elde eń kóp taraǵandyqtan – aınalymda 800 mıllıonǵa jýyq danasy bar – dástúrli qaǵaz banknottar birtindep aýystyrylatyn bolady. Plastık kýpıýralar uzaq ýaqyt qyzmet etedi dep kútilýde. Qarjy uıymdarynyń bári birdeı jańa kýpıýrany ala bermeıdi, bankomattardy jańa kýpıýralardy berýge daıyndaý úshin bankterge 2 jyl merzim berilip otyr. Taıaý ýaqyttarda Kanada banki 5 jáne 10 dollarlyq kýpıýralardy aınalymǵa shyǵarmaqshy.
Polıaktar Reseıden munaı almaq
Polshanyń PKN Orlen kompanııasy Reseıden jyl saıyn 10 mıllıon tonna munaı satyp alý jóninde kelisim-shart ázirleýde.
Bul týraly kompanııa basqarmasynyń tóraǵasy Iаsek Kraveske silteme jasaı otyryp, jergilikti basylymdardyń biri habarlaǵan. Onyń aıtýynsha, Urals markaly munaıdyń qazirgi baǵasyn basshylyqqa alǵanda jyl saıyn jetkiziletin munaı quny 7 mıllıard dollardy quramaq. Eger kelisim-shartqa qol qoıylatyn bolsa, polshalyq kompanııa Reseıden munaı satyp alatyn kompanııalardyń ishinde ekinshi orynǵa shyǵatyn bolady.
Nıý-Iorkke daýyl qateri tónýde
AQSh-tyń shyǵys jaǵalaýyna tónip kele jatqan “Norıstern” daýylyna baılanysty amerıkalyq áýe kompanııalary Nıý-Iorkke baratyn kóptegen reısterdi keıinge qaldyryp otyr.
Nıý-Iork meri Maıkl Blýmberg daýyl qaterine baılanysty qaladaǵy barlyq saıabaqtar men jaǵajaılardy jabý jóninde ókim shyǵardy. Qala ótken aptada onsyz da “Sendı” daýyly saldarynan eleýli zardap shekken bolatyn. Qala bıligi qaýip tónetin birqatar aýdandar turǵyndaryn basqa jaqtarǵa kóshirmek.
Internet materıaldary negizinde ázirlendi.