Oblys ákimi Ońdasyn Orazalınniń tóraǵalyǵymen Aqtóbe oblystyq terrorızmge qarsy komıssııasy jáne oblystyq óńirlik jedel shtaby otyrysynyń birlesken jıyny ótti.
Jıynǵa jaýapty memlekettik mekemeler, oblystyq basqarmalardyń, quqyq qorǵaý organdarynyń basshylary jáne barlyq aýdan ákimderi beıneselektorlyq baılanys rejıminde qatysty.
Kún tártibine usynylǵan máseleler boıynsha oblystyq polısııa departamenti bastyǵynyń 1-shi orynbasary Qanat Nurmaǵanbetov terrorıstik turǵydan osal obektilerdi terrorızmge qarsy qorǵalý júıesine qoıylatyn talaptarǵa sáıkes keltirý jónindegi is-sharalardyń iske asyrylý barysy týraly baıandama jasady.
Sodan keıin sóz alǵan oblystyq jastar saıasaty máseleleri basqarmasynyń basshysy Nurlan Kúntýov oblys jastarynyń arasynda zorlyq-zombylyqtyń aldyn alý sharalary týraly aqparat berip, jastarmen júrgizilip jatqan jumystarǵa toqtalyp ótti.
Jıynda Mártók, Áıteke bı jáne Qobda aýdandaryndaǵy terrorızmge qarsy komıssııalardyń jumysy týraly aýdan ákimderiniń baıandamalary tyńdaldy.
Oblys ákimi baıandamashylardy muqııat tyńdap, osy baǵyttaǵy jumysty odan ári jandandaryp, únemi qatań baqylaýda ustap otyrýdy tapsyrdy.
Jıyn barysynda kópqabatty turǵyn úılerdegi jáne turǵyn úı sektorlaryndaǵy órt qaýipsizdiginiń jaǵdaıy, bolýy múmkin órtterdiń aldyn alý sharalary týraly oblystyq tótenshe jaǵdaılar departamentiniń bastyǵy Baýyrjan Syzdyqov jáne qosymsha baıandamashy retinde qala ákimi Ilııas Ispanov sóz sóıledi.
Birlesken jıyn qorytyndysy boıynsha oblys əkimi Ońdasyn Orazalın salaǵa qatysty birqatar naqty tapsyrmalardy atap, terrorıstik turǵyda əlsiz nysandardyń qaýipsizdigin tıisti deńgeıde saqtaýdyń qajetti sharalaryn qabyldaý, sonymen qatar, ekstremızm men terrorızmniń aldyn alý jumystaryn kúsheıtý kerektigin aıtty.