Sý dobynan Avstralııanyń Pert qalasynda ótip jatqan Álem lıgasynyń irikteý týrnıriniń úshinshi kezdesýinde Qazaqstannyń erler quramasy Qytaıǵa ese jiberdi.
Qos komanda arasyndaǵy tartystyń negizgi ýaqyty 9:9 esebimen teń aıaqtalǵan edi. Al penaltıden Aspanasty eli ókilderiniń asyǵy alshysynan tústi – 16:15. Osy sátsizdikke qaramastan jeti upaı jıǵan jerlesterimiz óz tobynda birinshi oryndy ıelenip, shırek fınalǵa joldama aldy.
Esterińizge sala keteıik, osy týrnırdiń tusaýkeser básekesinde bizdiń jigitter Jańa Zelandııany 11:10 esebimen utty. Kelesi kezdesýde Argentınadan aılamyzdy asyrdyq – 11:5. Endi shırek fınalda qazaqstandyq vaterpolshylar Ońtústik Afrıka Respýblıkasy qurama komandasyna qarsy oınaıdy.
Ǵalym SÚLEIMEN,
«Egemen Qazaqstan»