Álemdik tájirıbeni úılestire otyryp, is-tájirıbemen bólisýge arnalǵan jıyndy qoryq-mýzeıdiń ekskýrsovody Saltanat Eralıeva júrgizdi.
Aıta ketsek, 21-22 aqpan kúnderi О́zbekstan Respýblıkasy, Tashkent qalasynda III Halyqaralyq gıdter forýmy ótken bolatyn. Jıynda Italııa, Ispanııa, Amerıka, Fransııa, Indııa sııaqty týrızm salasy joǵarǵy deńgeıde damyǵan memleketterdiń mamandary bas qosyp, tájirıbe almasqany belgili.
Mundaı is-sharalar, týrıstik áleýeti joǵary, múmkindigi mol elimiz úshin asa mańyzdy. Bizde de sheteldegideı Gıdter birlestigin qursaq tıimdi bolatyn sııaqty. Máselen, Ispanııa memleketınde CEFAPIT dep atalatyn gıdter birlestigi jumys jasaıdy. Ispanııa memleketi 17 oblystan týrady. Bul birlestik barlyq oblysta qyzmet kórsetedi, ıaǵnı týrısterge qolaıly jaǵdaı jasalǵan. Osy sııaqty birlestikter bizde de ashylatyn bolsa, Qazaqstanda týrızm salasyn jaqsartýǵa úlken úles bolary anyq»,dedi Saltanat Eralıeva.
Jıyn barysynda forýmnan tájirıbesin shyńdap kelgen maman alǵan dárisin mýzeıdiń basqa qyzmetkerleri jáne gıdtermen bólisip, kóptegen qyzyqty da paıdaly maǵlumattardy jetkizdi.