«Atameken» kásipkerler palatasynyń qyzmetiniń negizgi bir qyry kásipkerlerdiń quqyǵyn qorǵaý bolyp tabylady. Sondyqtan, bizge kásipkerler tarapynan keletin aryz-shaǵymdar men usynys-pikirlerdiń kóbi memlekettik organdardyń qyzmetine baılanysty bolady. Munyń ózi biz búgin aıtyp otyrǵan saraptama qortyndysynyń kemshin tustary bar ekenin dáleldeıdi. О́ıtkeni, para beretin, kásibin ońaı ári tez damyta qoıǵysy keletinder eshqashan usynys, syn pikirler aıtpaıdy. Salystyrmaly túrde aıtatyn bolsaq, 2018 jyldyń qortyndysy boıynsha memlekettik organdarmen tyǵyz jumystyń nátıjesinde aryz-shaǵymdardy sheshý birshama jaqsardy. Bul da oń kórsetkish. Al, jańaǵy aıtqan kásipkerlerdiń quqyǵyn qorǵaýǵa baılanysty bólingen qarajat kólemi bizde 2,2 mlrd teńge. Respýblıka boıynsha bizdiń oblys osy kórsetkish boıynsha úshinshi orynda turmyz. Sondaı-aq bizge kelip túsetin aryz-shaǵymdar 13,8 paıyzǵa tómendegen.
Búgingi taqyrypqa keletin bolsaq, kóptegen kásip ıeleri bul saýalnamaǵa qatyspaǵandyqtaryn, syrttaı baǵa berý arqyly óńir kásipkerleriniń quqyǵyn buzyp otyr degen shaǵymdar túskennen keıin memlekettik qyzmet jónindegi agenttik pen prokýratýramen baılanystyq. Olardyń aqparattaryna súıensek sybaılas jemqorlyqpen qatysty suraqtar on úsh paıyzǵa tómendep otyr. Bizdiń kásipkerler palatasynyń málimeti men memlekettik organdardyń málimeti sáıkes kelip otyr. Sondyqtan bizdiń esebimiz boıynsha myna júrgizilgen saraptama birjaqty bolǵan sııaqty. Sondaı-aq aqparatta barlyq memlekettik organdardyń alatyn para kólemi 300 myń teńge dep kórsetilgen. Munyń ózi saýalnamanyń deńgeıiniń qandaı ekenin kórsetedi, dedi N.Qarasaıuly.
Mańǵystaý oblysynda óz isin júrgizýshilerge barlyq jaǵdaı jasalǵan. Memlekettik baǵdarlamalar bıznesti nólden bastap qurýǵa jáne ony laıyqty júrgizip, damytýǵa kómektesedi. Mysaly, "Nur Kapıtal" baǵdarlamasy kásipkerge tek 1 paıyzben nesıe alýǵa kómektesedi. Bul teńdessiz baǵdarlama. Onyń tipti TMD elderinde de analogy joq. Ekinshi deńgeıli bankterge somasy 3 mlrd. teńgege 200-den astam joba usynyldy, 1 mlrd, 230 mln.teńge somasyna 65 joba iske asyrylǵan.. Sonyń nátıjesinde 575 jumys orny qurylǵan.
Esterińizge sala keteıik, Strategııalyq zertteýler ortalyǵy Qazaqstan boıynsha 4 myń kásipker qatysqan áleýmettik saýalnama málimetterin jarııalady. Onda 20 memlekettik organnyń jumysy baǵalanǵan. Saýalnama Almaty, Qyzylorda, BQO jáne Mańǵystaý oblystaryndaǵy memlekettik organdarda sybaılas jemqorlyq deńgeıiniń joǵary ekenin kórsetken.