Jıynda Basqarma tóraǵasy «Kinomax» jańa mobıldik qosymshasynyń iske qosylýy jáne «Arnau» konsertiniń daıyndyq barysy jónindegi jańalyqtarymen bólisti.
– Qazir sıfrlandyrý dáýiri, kórermenderdiń kóbisi áleýmettik jelilerde, túrli ınternet saıttarda ózderine qyzyqty da qajetti kontentti taýyp, tamashalaı alady. Tańdaý kóp, sondyqtan tanymal trendterge sáıkes keletin kontent jasaýshylar sany kúnnen kúnge kóbeıip keledi. Básekelestik kúsheıdi. Osy oraıda «Qazaqstan» korporasııasy zaman talabyna saı jumys jasaýda. Búgin Sizderdiń nazarlaryńyzǵa usynyp otyrǵan «Kinomax» mobıldi qosymshasy – Andriod jáne IOS platformalarynda táýligine 24 saǵat boıy qoljetimdi vıdeoservıs. Osy qosymsha arqyly otandyq telehıkaıalar, kórkem, derekti jáne anımasııalyq fılmderdi onlaın rejımmen qatar, offlaın rejımde de kórýge bolady. Bul vıdeoservıs otandyq kontentti damytýmen qatar aýdıtorııa suranysyna saı sapaly jobalardy usyný maqsatynda iske asyryldy. Osy arqyly biz kórermenderimizge ne qyzyqty ekenin eskerip, básekege qabiletti jáne túrli janrlardaǵy kontentti usynýdy kózdeımiz, – dedi Erlan Qarın.
Sonymen qatar Basqarma tóraǵasy jıyn barysynda «Qazaqstan» korporasııasynyń uıymdastyrýymen ótetin Dımash Qudaıbergenniń shyǵarmashylyq keshine daıyndyq jumystary jaıly da jan-jaqty toqtalyp ótti. Erlan Tynymbaıulynyń aıtýynsha, osy jyldyń 29 maýsymynda ótýi josparlanǵan konsertke bılet satyp alýshylardyń kóshin otandastarymyz bastasa, odan keıingi qatardy Reseı, AQSh, Qytaı, Ulybrıtanııa, Fransııa, Germanııa, Japonııa, Túrkııa, Nıderlandy, Rýmynııa, Polsha syndy alys-jaqyn sheteldik azamattar tolyqtyrady eken. Dúldúl ánshiniń ásem ánin tyńdaýǵa asyqqan ónersúıer qaýymnyń qatarynda, sonymen qatar, Brazılııa, Meksıka, Afrıka, Kanada, Avstralııa syndy shalǵaı memleketterden keletin meımandar da bar. Bıletter satylymǵa shyqqan alǵashqy kúni birden 6926 bılet (30%) satylyp ketse, bir aptadan keıingi esep boıynsha satylǵan bılet sany 11099-ǵa (48,2%) jetken. Al dál osy sáttegi málimet boıynsha, konsert zalynyń 66 paıyzy tolyq. Iаǵnı búginge deıin barlyǵy 15156 bılet tyńdarmanynyń qolyna tıip úlgeripti.
– Dımashtyń konsertine kelem deýshilerdiń sany óte kóp. Shyǵarmashylyq kesh úlken anshlagpen ótedi dep kútilýde. Qazirdiń ózinde Qazaqstan ǵana emes, álemniń túkpirinen ánshiniń daýsyn tyńdaýǵa qumartqan halyqtyń sanynda shek joq. Iаǵnı bárimiz úshin alda synǵa toly úlken jaýapkershilik tur. Sondyqtan da qyzý daıyndyqty bastap kettik. О́zderińiz biletindeı, Dımashtyń daýysy – adamdardyń júregin jaýlap alatyn erekshe ımpýls, kásibı tilmen jetkizgende «Kinetic Voice». Grek tilinen tárjimalasaq, «Kinetikos» – qımylǵa ákeletin áreket degen maǵynaǵa saıady. Bul – Dımash konsertiniń basty konsepsııasy. Ár nomer – ortaq ıdeıany jetkizetin jeke oqıǵa, shaǵyn spektakl dese bolady. Qazirgi sátte barlyq tehnıkalyq jaǵdaılar, mýltımedııalyq sheshimder, sahnanyń árlenýi, dybys pen jaryq máselesi sheshildi. Endi dekorasııa men rekvızıt qarastyrylyp jatyr. Konserttiń televızııalyq nusqasyn sapaly túsirý jumystary da oılastyrylýda. Aldaǵy 3 aıǵa jospar quryldy», – dep Erlan Qarın konserttiń daıyndyq jumystaryna keńinen toqtalyp ótti.
Jıynda jarııa etilgen taǵy bir jaǵymdy jańalyq – Basqarma tóraǵasy «Qazaqstan» RTRK AQ qoldaýymen Dımash týraly derekti fılmniń túsirilim jumystarynyń bastalyp ketkendigin de súıinshilep ótti. Aldaǵy ýaqytta ónersúıer qaýym, ánshiniń jankúıerleri dúldúl daryn týraly tamasha týyndyny tamashalap, jas talanttyń ómiri men shyǵarmashylyǵyna kózaıym bola alady.