Qazaly aýdanyndaǵy «Syr marjany» JShS Chehııa memleketinen 300-ge jýyq angýs sıyryn ákelip, baǵýda. Seriktestik dırektorynyń orynbasary Talaıly Bóriqulov Aberdın-angýs múıizdi iri qaranyń terisi qalyń bolǵandyqtan ystyqqa da, sýyqqa da shydamdy bolatynyn aıtady.
Onyń ústine kúı-jaı talǵamaıdy, anaý-mynaý sıyr malyna tán aýrýlarǵa da tózimdi kórinedi. Eń bastysy, jem-shópke muhıt asyp kelgen keıbir asyl tuqymdy sıyrlardaı talǵampaz emes, aldyna qoıǵanyn sypyryp sıyryp jep alady. О́riske de shyǵady. Eti tyǵyz, bir et, bir maı bolǵandyqtan dámdi. Halyqaralyq sanatta mármár degen ataýǵa ıe. Alty aılyq buzaýlarynyń ózi 200-300 kelige deıin tartsa, bordaqylaǵan ógiz, buqa bir tonnaǵa deıin salmaq jınaıdy.
T.Bórdiqulov sharýashylyqta 280 bas qashar bar ekenin aıtady. Sharýashylyq ózge buqamen shaǵylyssa da tuqymyn buzbaıtyn angýstan tól alyp, mal basyn kóbeıtpek nıette.
Bas zootehnık Sahıl Ysqaqov eń joǵary surypty mármár etin beretin angýstyń ónimdiligi joǵary dep otyr. Sharýashylyqtyń jem-shóp daıyndaýǵa múmkindigi mol. Súrlem, jońyshqa, júgerisi daıyn. Áýelde 500 basqa mal bordaqylaý qorasyn salǵan eken. Endi ony 3 myń basqa deıin ulǵaıtýdy kózdep otyr. Sebebi bul maldyń etine suranys joǵary. Búginde Iran men kórshi О́zbekstanǵa eksporttalyp jatyr. Seriktestiktiń ıesi Minájaddın О́teev joǵary surypty etti daıyndaý úshin oblys ortalyǵynan mal soıý kombınatyn iske qosýǵa talaptanyp jatyr eken. Osyndaıda eske túsedi. Ulanǵaıyr jeri bar Qazaqstannyń sonaý Brazılııadan et satyp alatyny talaı márte aıtylǵan. Qazaqstan búginde býferlik alańnan shyqty. Endi elimizdegi meıramhanalar qonaqtarynyń as mázirine tartatyn qymbat mármár eti qazaqstandyqtarǵa da qoljetimdi bolmaq. Qyzylorda oblysy