Shaıbaly hokkeıden birinshi dıvızıonnyń V tobyndaǵy komandalar arasynda Nur-Sultanda ótetin álem chempıonaty qarsańynda Qazaqstan quramasy eki joldastyq kezdesý ótkizýdi josparlap otyr.
25 sáýirde otandastarymyz Belarýspen kúsh synassa, 26 sáýirde Ońtústik Koreıamen sheberlik baıqasady. Bul komandalardyń ekeýi de osal emes. Máselen, Belarýs Olımpııa oıyndaryna úsh márte qatysyp, 2002 jyly Solt-Leık Sıtıde tórtinshy orynǵa taban tiredi. Álem chempıonatynda 19 ret baq synady. Eń úzdik kórsetkishke 2006 jyly qol jetkizdi. Rıgadaǵy dodada olar altynshy orynǵa jaıǵasqan edi.
Ońtústik Koreıa Olımpııa oıyndary men álem chempıonatyna bir-bir retten qatysty. Bul jarysta olar kósh sońynda qalyp qoıdy. Desek te búgingi tańda aıtýly memlekette osy sport túrin damytýǵa myqtap kóńil bólinýde.
Al birinshi dıvızıonnyń V tobyndaǵy komandalar arasyndaǵy Nur-Sultandaǵy álem chempıonaty 29 sáýir men 5 mamyr aralyǵynda ótedi.