Baspasóz-konferensııasy barysynda SU Racing Team komandasy ózderi qurastyrǵan Taiburyl Prototype 3.0. jarys avtomobılin tanystyrdy.
Sátbaev Ýnıversıteti stýdentteriniń avto-moto jarystary úshin qurylǵan komanda SU Racing Team Kýala-Lýmpýrda ótetin «Shell Eco Marathon – 2019» jarysyna arnaıy avtomobıl konstrýksııasyn jasap, qurastyrdy.
Shell Eco Marathon – Shell kompanııasynyń jyl saıynǵy ótkizetin eko marafonynyń negizgi maqsaty – janarmaı túrleriniń jańalaryn ashyp, buryńǵy qoldanystaǵy túrlerin jetildirý. Avtomobıl 1 lıtr janarmaımen maksımaldy qashyqtyqty júrip ótýi kerek: marafon rekordy - 3,836 shaqyrym. Jarys 1939 jyldan bastap Detroıt, London, Sıgapýr, Rıo De Janeıro qalalarynda ótkizilip keledi. Qazaqstandyq komanda osy jarysqa ekinshi ret qatysady.