Almaty qalasy ákimdigi qoldaýy jáne Búkilálemdik etnosport konfederasııasy men Qazaqstan Respýblıkasy Ulttyq sport qaýymdastyǵynyń muryndyq bolýymen uıymdastyrylyp otyrǵan aıtýly sharaǵa álemniń 30-ǵa jýyq memleketinen 150-den astam etnosport delegasııalary, atap aıtsaq birqatar memlekettiń sport mınıstrliginiń basshylary, ulttyq sport salasynyń mamandary, halyqaralyq dárejedegi jattyqtyrýshylar men tóreshiler, sportshylar, sondaı-aq qoǵam qaıratkerleri qatysady dep kútilýde.
Forýmda dástúrli oıyndar men sporttardy álemde damytý, Qazaqstanda ótetin I Búkilálemdik etnosport oıyndaryn ótkizý, Túrkııada 2020 jyly alaýy tutanatyn IV Dúnıejúzilik kóshpendiler oıynyn jetildirýdiń joldary jáne basqa da álemdik etnosport salasynyń ózekti máseleleri talqylanady.
Sóz oraıy kelgende, atalmysh sharanyń ótýine Túrik yntymaqtastyq jáne úılestirý agenttigi (TİKA) de qoldaý bildirip otyr. Al, halyqaralyq sharanyń Bas seriktesi – «Samuryq-Qazyna» ulttyq ál-aýqat qory.