Qoldanysta zań boıynsha sońǵy 15 jylda Qazaqstannan qonys aýdarmaǵan, 40 jastan asqan jáne memlekettik tildi erkin meńgergen Qazaqstannyń kez kelgen azamaty Prezıdenttik saılaýǵa túse alady.
Kesheli beri saıasattanýshylar arasynda «qazirgi Prezıdent Qasym-Jomart Kemeluy Toqaevtyń 2011-2013 jyldar aralyǵynda BUU Bas Hatshysynyń orynbasary bolyp istegen úsh jyl kedergi keltirmeı me?» degen saýaldar jıi aıtyla bastady.
Ádilet vıse-mınıstri Natalıa Pan bizge bergen suhbatynda bul kezeń is-saparmen baılanysty bolǵanyn aıtty. Demek, BUU-daǵy úsh jyl Qasym-Jomart Kemelulynyń prezıdenttik saılaýǵa túsýine kedergi bola almaıdy.
Búgin tús aýa vıse-spıker Gúlmıra Isımbaeva jýrnalıstermen kezdesken kezde dıplomattar tárizdi Qasym-Jomart Kemeluly 3 jyl is-saparda bolǵanyn, bul shetelge túpkilikti qonys aýdardy degendi bildirmeıtinin aıtty.