Irak Elekeev: Bul saılaýdan el utady

Elbasy prezıdenttik ókilet­tigin toqtatý týraly óz she­shimin qabyldaǵannan keıin Qazaqstan Respýblıkasy Kons­tıtýsııa­sy­nyń 48-babyna sáıkes, bul min­detti Parlament Senatynyń Tór­aǵasy atqarady. Ol osy qyz­metti jańa el Prezıdenti saı­lan­ǵanǵa deıin atqarýǵa tıis. Sol sebepti qazirgi Qazaq­stan Respýblıkasynyń Prezı­denti Qasym-Jomart Toqaev­tyń, ıaǵnı 2019 jyldyń 9 sáýi­rinde Qazaqstan halqyna arna­ǵan úndeýindegi Qazaqstan Respýb­lıkasy Prezıdentiniń saılaýyn kezekten tys ótkizý týraly she­shimin tolyq qoldaımyn. Qasym-Jomart Toqaevtyń bul sheshimi eldegi turaqtylyqty saqtap jáne beıbit bolashaq úshin jasalǵan tarıhı qadam dep sanaımyn. Bul sheshim saıası jaǵynan da utymdy. Qazaqstan qazirgi ýaqytta halyqaralyq júıede laıyqty ornyn tapqan el. Bedeldi memleket retinde búkil álem moıyndaıdy. Al biraq, jasyratyny joq, qaı elde bolsyn, Prezıdent min­detin ýaqytsha atqaratyn adamǵa senim az bolady. Eldiń ishki, syrtqy jaǵdaıy, ınvestısııa tartý jáne t.b. mańyzdy máselelerde ártúrli kózqarastar týyndaýy múmkin. Sondyqtan el Prezıdenti jalpyhalyqtyq saılaýda el senimin aqtaýy úshin basym daýyspen saılanýy tıis. Bul – halyq tańdaýy bolady. Muny ózge de elderdiń qarap otyrǵany sózsiz. De­mek, ýaqyt ozdyrýdyń qajeti joq jáne ádil saılaý ótkizilýi tıis. Mine, osy oraıda Prezı­dent Qasym-Jomart Toqaev saılaý­dyń ashyq ári ádil ótýine kepil­dik beremin, bul meniń berik ustanymym dep qadap aıtty. Saıası partııa­lar, ıakı qo­ǵamdyq uıymdar atynan olar­dyń ókilderi qatysa alady. Olar­dyń qaısysy da teń quqyq­ty paıdalanady. Bul oraı­da qazirgi Prezıdenttiń halyq aldyna ádildikti tý etip usta­na­tynyn ashyq aıtqany kóńil­ge qonymdy boldy. Sonyń ishin­de az ǵana ýaqyt bolsa da, Úkimet múshelerimen, oblys ákimderi­men, el ishimen kezdesý barysynda aıtqan túıindi oılary halyqtyń kóńilinen shyqty dep oılaımyn. Irak ELEKEEV, qoǵam qaıratkeri