QazUPÝ Baspasóz qyzmetiniń málimeti boıynsha, kezdesý barysynda Agadjafar Gasanalı «Mahmud Qashqarı» qorynyń qyzmeti týraly áńgimeledi. Onyń aıtýynsha, «Qor 14 jyl buryn Ázirbaıjan astanasynda, túrki áleminiń tanymal tulǵalarynyń bastamasymen Baký qalasynda quryldy. Qordyń negizgi maqsaty túrki halyqtarynyń tarıhy men mádenıetin biriktirý, tarıhı-mádenı baılanystar prızmasy arqyly memleketter arasyndaǵy yntymaqtastyqty damytý bolyp tabylady». Sondaı-aq, Agadjafar Gasanalı pedagogıkalyq, gýmanıtarlyq jáne jaratylystaný ǵylymdaryn damytýda, Qazaqstandaǵy bilim berý salasynyń damýyna qosqan orasan zor úlesi men Qazaqstannyń tuńǵysh ýnıversıtetiniń ǵylymı jáne pedagogıkalyq kadrlardy daıarlaýdaǵy, oqý ornyn halyqaralyq tájirıbege sáıkestendirýde tabysty kóshbasshylyǵy úshin Abaı atyndaǵy QazUPÝ rektory Takır Balyqbaevty «Mahmud Qashqarıdyń 1000 jyldyǵy» medalimen marapattaý týraly Mahmud Qashqarı qory prezıdıýmynyń sheshimin habarlap, rektorǵa «Mahmud Qashqarıdyń 1000 jyldyǵy» medalin tabys etti.
Qazaqstandaǵy Ázirbaıjan Elshiliginiń ókili Ramıl Rzaev óz eliniń atynan QazUPÝ rektoryn quttyqtap, eńbek jolynda tabys tiledi. Ol sondaı-aq, kezdesýdiń bilim jáne ǵylym salasyndaǵy eki memlekettiń ortaq qundylyqtaryn nyǵaıtýdaǵy mańyzdylyǵyn atap ótti.