«Eger sizder Qazaqstan chempıonatyn eshqashan kórmegen bolsańyzdar jáne ony adamnyń ishin pystyratyn týrnır dep esepteıtin bolsańyzdar, daıyndalyńyzdar – qazir sizderdiń pikirlerińiz túbirimen ózgeredi.
«Ordabasynyń» shabýylshysy Toqtar Janǵylyshbaı «Astanamen» bolǵan matchta tańǵajaıyp gol soqty: qaptaldan áýelete berilgen pasty ókshemen ıkemdep aldy da, aınala berip sol aıaǵymen qaqpaǵa dál soqty.
Ǵajap.
Dál osyndaı mánerde Denıs Bergkamp «Nıýkasldyń» qaqpasyna uly gol soqqan (ıá, biz shynymen de Janǵylyshbaı men Bergkamptyń goldaryn salystyryp otyrmyz).
Bul oıynda «Ordabasy» týrnır kestesinde kósh bastaýshy «Astanadan» 1:2 bolyp jeńildi, qazir klýb tórtinshi orynda keledi.
25 jasar Janǵylyshbaı maýsymdaǵy alǵashqy golyn soqty, onyń mansabyndaǵy statıstıka kóńil kónshite qoımaıdy – chempıonattyń 107 kezdesýinde bar bolǵany 14 gol soqqan. «Ordabasy» – forvardtyń osymen segizinshi klýby (Qazaqstanda ǵana oınaǵan, onyń ishinde «Astananyń» da namysyn qorǵaǵan)», dep jazady basylym.
Eske salsaq, Toqtar Janǵylyshbaı Qaraǵandy fýtbol mektebiniń túlegi. Sporttyq mansabyn jergilikti «Shahter» komandasynda bastaǵan.
Qaraǵandy oblysy