Is-sharaǵa 50 eldiń salyq ákimshiliginen 300-den astam delegat, 4 halyqaralyq jáne aımaqtyq uıym, 6 ǵylymı akademııa, sondaı-aq bıznes-qoǵamdastyq ókilderi qatysty. Jıyndy Qytaı Memlekettik salyq ákimshiligi «Bir beldeý – bir jol» bastamasy sheńberinde uıymdastyr otyr.
Qazaqstan delegasııasyn Memlekettik kirister komıtetiniń tóraǵasy Marat Sultanǵazıev basqarady. Konferensııaǵa qatysýshylar Keńestiń basshylar quramyn saılady. Keńestiń tóraǵasy bolyp Qytaı Memlekettik salyq ákimshiliginiń mınıstri Van Szıýn myrza, al onyń orynbasary bolyp Marat Sultanǵazıev saılandy.
О́z sózinde Marat Sultanǵazıev Konferensııa qatysýshylarynyń Qazaqstan Respýblıkasyna degen senimin joǵary baǵalap, alǵa qoıylǵan mindetterdi júzege asyrý úshin bar kúshin salatyndyǵyna sendirdi.
Forým delegattary osy bastamany júzege asyrýdyń bastapqy núktesi bolatyn Salyqtyq ákimshiliktendirý salasyndaǵy yntymaqtastyq mehanızmi týraly memorandýmǵa qol qoıdy.
Konferensııa barysynda taraptar 5 negizgi taqyryp boıynsha pikir almasýdy josparlap otyr. Atap aıtqanda: salyq ákimshilikteriniń áleýetin arttyrý, zań ústemdigi, salyqtyq senimdiliktiń deńgeıin arttyrý, salyq zańnamasyn jetildirý jáne salyq ákimshilikterin sıfrlandyrý.
Qatysýshylar tájirıbeni, bilim men resýrstardy ekonomıkanyń úzdiksiz jáne turaqty damýyn qamtamasyz etetin dostyq salyqtyq ortany qurýǵa baǵyttaýdy kózdeıdi.