Premer-Mınıstrdiń orynbasary Gúlshara Ábdihalyqova men QR Densaýlyq saqtaý mınıstri Eljan Birtanovtarǵa oblys basshysy bul aýrýhana jaqyn arada halyqaralyq JCI standarty sertıfıkatyna tapsyratyndyǵy týraly aıtyp ótti. Sol arqyly bul aýrýhana álemdegi eń úzdikter qataryna ótetin bolmaq. Al mamyr aıynda aýrýhanada gıbrıdti operasııa jasaıtyn zal ashylady.
- Biz operasııa jasaıtyn zaldy halyqaralyq standartqa saı jabdyqtap otyrmyz,-dedi oblys ákimi Danıal Ahmetov,-myna jerde arnaıy ornatylǵan angıgraf bar. Bundaı angıograf Qazaqstanda da, Reseıde de joq. Gıbrıdi operasııa ótkiziletin zalda jylyna 3 myń operasııa jasalmaq. Bul joba júzege asýy úshin 1,8 mlrd teńge bólindi.
Jedel medısınalyq járdem aýrýhanasyna jumys sapary barysynda oblys ákiminiń orynbasary Ásem Núsúpova Úkimet basshysynyń orynbasary Gúlshara Ábdihalyqova men Densaýlyq mınıstri E. Birtanovtarǵa oblystaǵy densaýlyq saqtaý salasynyń 2017-2019 jyldarǵa arnalǵan baǵdarlamasy jaıly da tanystyryp ótti.
- Joǵary tehnologııalyq qural-jabdyqtardyń qataryn medısına salasynyń damýyna oraı kóbeıtip jatyrmyz,-dedi oblys ákiminiń orynbasary Ásem Núsúpova,-sońǵy 3 jylda bul 2,5 esege ósti. Bıyl halyqaralyq aýdıt aıasynda júrgizilgen medısınalyq qural-jabdyqtarmen qamtýdaǵy josparǵa saı 4,9 mlrd teńge bólindi. Sońǵy úsh jylda medısınalyq sońǵy zamanaýı tehnologııalarmen qamtý úshin bólingen qarjy 23,4 mlrd teńge bolyp otyr. Jáne osyǵan oraı medısınalyq mamandardy da bilikti etip daındaý úshin shetelderge oqýǵa jiberýdemiz. Úsh deńgeıli oqýdan ótý úshin medısına qyzmetkerleriniń daıyndyǵyna 3,7 mlrd teńge bólindi. 4080 dáriger álemdegi 157 eń úzdik degen emhanada oqyp keldi.
Raýshan NUǴMANBEKOVA
«Egemen Qazaqstan»
sýretti túsirgen avtor
SEMEI
Semeı