Esil ózeniniń sýy arnasynan asýy saldarynan Chelıabi-Novosibir baǵytyndaǵy respýblıkalyq mańyzy bar trassanyń keı bóligin qarǵyn sý shaıyp ketti. Júrginshiler endi aınalma jolmen qatynaýǵa májbúr. Qaýipti aımaqtar tótenshe jaǵdaılar jónindegi departament mamandarynyń baqylaýynda.
Esil ózeniniń sý deńgeıi bir táýlikte 12 santımetrge deıin kóterilip, Novonıkolskoe eldi mekenin jalǵastyratyn kópir sý astynda qaldy.Pokrovka, Nıkolaevka jáne О́rnek aýyldaryn da sý basý yqtımaldyǵy basym.
«Aqmola oblysy jaǵynan artyq sýdyń jiberilýi sebepti Sergeev sý qoımasynda sý deńgeıi 880 santımetrge jetti. 790 mıllıon tekshe metr sý jınaldy»,deıdi «Qazgıdromet» RMM SQOF-nyń dırektory Qymbat Merǵalımova.
Petropavldaǵy sý toraby da lyqa tolyp tur. Saıajaılardy sý alyp, Zarechnyı kentine taqaý qaldy.
Oblystyq tótenshe jaǵdaılar departamentiniń bastyǵy Ramıl Kamalovtyń aıtýynsha, ol aımaqtatártip saqshylary táýlik boıy kezekshilik etedi. Respýblıkalyq mańyzy bar joldy sý shaısa, aınalma jol paıdalanylady. Baılanys úzilmeıdi. «Elegııa», «Elektron» saıajaılary da sý astynda qalýy yqtımal. Jylda kóktemgi sý tasqynynan zardap shegetin Bylǵary teri zaýyty yqshamaýdanynyń turǵyndaryna bıyl alańdaýǵa negiz joq. Byltyrlary turǵyzylǵan bógen kez kelgen qaýip-qaterge tótep bere alady.
Zarechnyı kentine jaqyn avtojolda kólikterdiń júrýine shekteý qoıyldy.
Soltústik Qazaqstan oblysy