Mınıstrdiń aıtýynsha, «Jobalar fabrıkasy» atty jobalardy qalyptastyrý men súıemeldeýdiń biryńǵaı aqparattyq júıesi qurylady.
«Nur-Sultan qalasy men halyqaralyq qarjy ortalyqtary arasynda tikeleı áýe qatynastarynyń geografııasy keńeıtiletin bolady. Joǵarǵy Sotpen jáne Bas prokýratýramen birlesip ınvestısııalyq klımatty odan ári jaqsartý, ınvestorlardyń quqyqtaryn qorǵaý jáne zańnyń ústemdigin qamtamasyz etý jóninde usynystar ázirlenetin bolady», deıdi mınıstr Á.Smaıylov.
Vedomstvo basshysynyń aıtýynsha, jańa arhıtektýra sheńberinde jobalardy jyljytý bylaısha bolady:
Birinshi kezeńde - О́ńirlik ınvestısııalyq habta («Jobalar fabrıkasynda») barlyq áleýetti ınvestısııalyq jobalar ortalyqtandyryp jınalady.
Ekinshi kezeńde – Astana halyqaralyq qarjy ortalyǵynan sarapshylar men konsýltanttardy tarta otyryp, «Kazakh Invest» bazasyndaǵy jobalardy óńdeý jáne taldaý jasalady. Jobalar sheteldik ınvestorlar úshin túsinikti formattarǵa keltiriledi.
Úshinshi kezeń - Astana halyqaralyq qarjy ortalyǵynyń qoldaǵy bar múmkindikteri men Syrtqy ister mınıstrliginiń ınfraqurylymyn paıdalana otyryp, qoldanysqa daıyn jobalardy jyljytý.
Tórtinshi kezeń – Astana halyqaralyq qarjy ortalyǵynyń zań ınfraqurylymyn paıdalana otyryp, ınvestısııalyq hab bazasynda kelisimsharttar jasasý.
Aıta ketý kerek, jańa arhıtektýrany tanystyrý 16 mamyrda bolatyn Astana ekonomıkalyq forýmy sheńberinde ótedi. Investısııa tartý máseleleri jónindegi úılestirý keńesiniń birinshi otyrysy osy jyldyń mamyr aıynda ótedi.