Bul týraly oblystyq máslıhattyń kezekten tys HHIH sessııasynda Qyzylorda oblysynyń ákimi Q.Kósherbaev aǵymdaǵy jyldyń birinshi toqsannyń qorytyndy málimdemesinde aıtty.
- О́zderińizge belgili, aımaq úshin mańyzdy máseleniń biri - aǵymdaǵy jyldyń aqpan aıynda bizdiń bastamamyzben Qaýipsizdik Keńesi otyrysynda Qyzylorda oblysynyń ózekti máseleleri talqylandy. Qaýipsizdik keńesiniń tóraǵasy Elbasy N.Á. Nazarbaevtyń tapsyrmasymen biz 2019-2022 jyldarǵa arnalǵan Qyzylorda oblysynyń áleýmettik-ekonomıkalyq damýynyń keshendi josparyn ázirlep, salalyq mınıstrliktermen kelisýdemiz, sonan soń Qazaqstan Respýblıkasy Úkimetiniń Qaýlysymen bekitiletin bolady. Aıta ketý kerek, dál mundaı keshendi jospar tek Nur-Sultan qalasynda, Soltústik Qazaqstan jáne Túrkistan oblystarynda ǵana bar. Al, tórtinshi jospar Qyzylorda oblysy boıynsha bekitiletin bolady,-dedi ol.
Úsh aıdyń qorytyndysy boıynsha Qyzylorda oblysy munaı óndirý kólemin, tıisinshe ónerkásiptik óndiris kólemin qospaǵanda, áleýmettik-ekonomıkalyq damýdyń barlyq negizgi kórsetkishteri boıynsha kóshbasshylar qatarynan kórinip keledi.
Jıynda aımaqty damytýdyń aldaǵy josparlaryn belgilendi. Bıyl Qazaqstandaǵy alǵashqy tabaq shyny óndirisi iske qosylady. Shalqııa qorǵasyn-myrysh ken ornynda taý-ken baıytý kombınatyn, kalsıılendirilgen soda shyǵarý zaýytyn jáne basqa da perspektıvaly eksportqa baǵdarlanǵan óndiristerdi salý boıynsha jumys jalǵasyp jatyr. Jyl sońyna deıin agroónerkásiptik keshen salasynda keminde 10 jobany iske asyrý josparlanyp otyr. Onyń ishinde jyldyq qýaty 1500 tonna ónim shyǵaratyn qus fabrıkasy, aýmaǵy 2,2 gektar avtomattandyrylǵan jylyjaı kesheni, 1200 mal basyna arnalǵan sút ónimderi fermasy, kúrish zaýyty iske qosylmaq.