Ekonomıka jáne bıýdjettik josparlaý basqarmasynyń basshysy Gúlqasıma Súıintaeva baıandamasyna sáıkes, birinshi toqsan qorytyndysynan kiris kózi 26,7 mlrd teńgeni quraǵan.
Oblys basshysy atalǵan kemshilikter boıynsha aýdan ákimderine qatań eskertý jasady.
«Ázirge muny meniń tarapymnan eskertý dep túsinińizder, eger jarty jyldyq qorytyndysy boıynsha dál osyndaı kórsetkishpen jalǵasatyn bolsa tipti tártiptik shara qoldanylady», - dedi Ońdasyn Orazalın.
Kiris kóziniń tómendeýine sebeptiń biri, Aqtóbedegi keıbir kásiporyn ıeleri ózge qalaǵa nemese oblysqa tirkelgendikten, salyqty sol aımaqqa tóleıdi.
Sondaı aq, bıýdjettik baǵdarlama ákimshileri qarjylyq tártipti durys saqtaı almaı otyr. Jobalyq smetalyq qujattardyń durys qurylmaýynan memleket qarajaty jelge ushqan. Mundaı jaǵdaı Qarǵaly aýdanynda kezdesti. Sporttyq mekteptiń jobalyq smetalyq qujatyna 4 mln teńge jumsalǵanmen, mekteptiń qajettiligi bolmaı qalǵan.
Oblys ákimi Ońdasyn Orazalın jıyndy qorytyndylaı kele, jaýapsyzdyqqa jol bergender men jospardy durys qurmaı, qarajatty tıimsiz jumsaǵandarǵa aıaýshylyq tanytpaıtynyn aıtty.