Koreıa Respýblıkasynyń Prezıdenti Mýn Chje Inniń Qazaqstan Respýblıkasyna sapary 21 jáne 23 sáýir aralyǵyn qamtıdy.
Ońtústik Koreıanyń basshysy men onyń jubaıy Kım Chjon Sýk Nur-Sultan qalasyna 20 sáýirde kelgen bolatyn. Búgin tańerteń olar «Otan qorǵaýshylar» monýmentine gúl shoqtaryn qoıdy.
Jınalǵandar Otan úshin janyn qıǵan jaýyngerlerdi bir mınýt únsizdikpen eske aldy. Budan keıin qos eldiń ánurandary shyrqaldy.
Sodan soń Koreıa basshysy memleket basshylarynyń alleıasyna aǵash otyrǵyzdy. Munda Qazaqstan astanasyna keletin túrli elderdiń memleket basshylary dástúrge saı tal egedi.
Koreıa Respýblıkasynyń Prezıdenti Mýn Chje In sapary barysynda QR Tuńǵysh Prezıdenti – Elbasy Nursultan Nazarbaev jáne Memleket basshysy Qasym-Jomart Toqaevpen ekijaqty kezdesýlerge, sondaı-aq Qazaqstan-Koreıa bıznes-forýmyna qatysady dep josparlanýda.