Bul joly partııanyń Qostanaı qalalyq fılıaly tóraǵasynyń orynbasary Manarbek Sultanǵazın, qalalyq máslıhattyń depýtaty Olga Igımbaeva, Qostanaı qalalyq jumyspen qamtý jáne áleýmettik baǵdarlamalar bóliminiń basshysy Aqbópe Manatova kelgenderdi qabyldap, olardyń barlyǵyn da muqııat tyńdap, ótinishterin jazdyryp aldy. Úsh otbasyna azyq-túlik berildi. Turmys taýqymetin tartqan otbasylarynyń jaǵdaıy «Halyqqa kómek» jobasy aıasynda taldanyp, ekshelip, olarǵa tıisti kómek kórsetiletin bolady.
Búginde Qostanaı qalasynda 730 kóp balaly jáne áleýmettik turmysy áljýaz otbasy bar. Olardyń arasynda 270 otbasy baspana kezeginde tur. Qostanaı qalalyq jumyspen qamtý jáne áleýmettik baǵdarlamalar bóliminiń basshysy Aqbópe Manatovanyń aıtýynsha, tabysy az otbasylaryna adrestik áleýmettik kómek kórsetiledi.
– Onyń syrtynda kásipkerler qoldaýymen qys aılarynda 28 otbasyna 64 tonna kómir túsirildi, 168 otbasyna azyq-túlikteı kómek berildi. 34 otbasynan 90 bala mektepterde tegin tamaqtandyrylady. Bir balany Nur-Sultan qalasyna emdeýge aparý úshin 90 myń teńge kómek jasaldy, 1 stýdenttiń oqý aqysy tólendi. 8 bala asyrap otyrǵan kóp balaly otbasyna kásipker 3 bólmeli páter alyp berdi, deıdi Aqbópe Rahymjanqyzy.
Jalpy «Nur Otan» partııasynyń Qostanaı qalalyq fılıalynda jyl basynan beri 15 qoǵamdyq qabyldaý ótkizilip, oǵan 54 adam jaǵdaıyn aıtyp, qajetti kómegin alǵan.