«2019 jylǵy 23 sáýirde Respýblıka Konstıtýsııalyq Keńesi Qazaqstan Respýblıkasynyń Prezıdenti Q.K. Toqaevtyń Qazaqstan Respýblıkasy Konstıtýsııasy 41-babynyń 2-tarmaǵyna resmı túsindirme berý týraly ótinishin konstıtýsııalyq is júrgizýge qabyldady. О́tinish berýshi Respýblıka Prezıdenttigine kandıdattarǵa qoıylatyn Qazaqstanda sońǵy on bes jyl boıy turýy týraly talabynyń mazmunyn ashýdy, sondaı-aq Qazaqstannyń sheteldik mekemelerinde jáne Respýblıka múshesi bolyp tabylatyn halyqaralyq uıymdarda jumysy kezeńinde azamattyń elden tys jerde turǵan ýaqytyn atalǵan merzimge esepteý máselesin túsindirýdi suraıdy», delingen habarlamada.
«Qazaqstan Respýblıkasynyń Konstıtýsııalyq Keńesi týraly» Konstıtýsııalyq zańyna sáıkes, atalǵan ótinishti Konstıtýsııalyq Keńestiń otyrysynda qaraý úshin qajetti materıaldardy daıyndaý jumysy júrgizilýde.