Májilis Tóraǵasy Nurlan Nyǵmatýlın Nur Otan partııasynyń kezekten tys sezinde Qazaqstan Respýblıkasy Prezıdenttigine Qasym-Jomart Toqaevtyń kandıdatýrasyn usyný týraly qabyldanǵan sheshim jan-jaqty oılanǵan, elimiz úshin de, halqymyz úshin de, óte durys sheshim dep esepteıtinin aıtty.
- Qasym-Jomart Kemeluly Toqaev Qazaqstanymyz táýelsizdik alǵan kúnnen bastap, Elbasynyń qasynda júrip, kóptegen laýazymdy qyzmetterdi abyroımen atqardy. Sonymen birge, elimizdiń ishki jáne syrtqy saıasatyn óte jaqsy biledi, sondyqtan, óziniń aldaǵy jumysynda, Elbasymyz Nursultan Ábishuly Nazarbaevtyń saıası baǵytyn odan ári tıimdi jalǵastyryp, elimizdiń damýyna jańa serpin beredi dep senemiz, - dedi N. Nyǵmatýlın.