Ishki ister mınıstrligi jol-kólik oqıǵalaryn azaıtý jáne qoǵamdyq qaýipsizdikti kúsheıtý baǵytyndaǵy jumystardy jalǵastyryp jatyr. Qazirgi tańda vedomstvo óńirlerdi nysanaly tekserý tásiline kóshken. Osyndaı aýqymdy is-sharalar qazir Aqtóbe oblysynda ótip jatyr, dep habarlaıdy Egemen.kz.
IIM ákimshilik polısııa komıtetiniń erekshe tapsyrmalar jónindegi aǵa ınspektory Gúlnur Qudaıbergenovanyń aıtýynsha, tekserýdiń tıimdiligin arttyrý úshin Astana qalasy jáne Qaraǵandy, Qostanaı oblystary patrýldik polısııasynyń qosymsha kúshteri jumyldyrylǵan.
«Buǵan deıin mundaı maqsatty tekserýler Almaty, Shymkent qalalarynda, sondaı-aq Almaty, Qaraǵandy, Túrkistan oblystarynda óziniń tıimdiligin kórsetti. Tájirıbe qaýipti quqyq buzýshylardy jedel anyqtaýǵa múmkindik beretinin dáleldedi», dedi ol.
Aqtóbede eki kún ishinde jol qozǵalysy erejesin buzýdyń 1351 deregi tirkeldi. Polısııa ásirese adam ómirine tikeleı qaýip tóndiretin óreskel quqyq buzýshylyqtarǵa basymdyq bergen.
Atap aıtqanda, eki kún ishinde: – kólikti mas kúıde basqarýdyń 11 deregi; – esirtki jáne psıhotroptyq zattardy medısınalyq emes maqsatta qoldanýdyń 1 deregi; – qarsy baǵytqa shyǵýdyń 5 deregi; – baǵdarshamnyń tyıym salynǵan belgisine ótýdiń 20 deregi anyqtalǵan.
Sondaı-aq 47 adam júrgizýshi kýáliginsiz kólik tizgindegen.
Qandaı jaǵdaıda jol erejesin buzý «usaq buzaqylyq» dep tanylady?
Polisia.kz-tiń habarlaýynsha, tekserý barysynda joldaǵy apatty jaǵdaılarǵa sebep bolatyn ózge de júıeli buzýshylyqtar anyqtaldy. Naqty ataǵanda: – 56 avtokólik memlekettik tirkeý nómirinsiz júrgen; – 1 júrgizýshi jalǵan nómir paıdalanǵan; – 208 kólik tehnıkalyq reglament talaptaryna saı kelmegen; – 180 avtokólik mindetti tehnıkalyq baıqaýdan ótpegen; – 150 júrgizýshi qaýipsizdik beldigin taqpaǵan; – 65 adam kólik júrgizý kezinde uıaly telefon qoldanǵan.
Jaıaý júrginshiler arasynda da jol erejesin buzýdyń 66 deregi tirkeldi.
Eki kún ishinde arnaıy aıyppul turaǵyna 110 kólik qoıyldy. Onyń ishinde 11 kólik sheteldik esepte turǵan. Sonymen qatar túrli quqyq buzýshylyqtarǵa baılanysty 41 avtokóliktiń memlekettik tirkeý nómiri alyndy.
Mundaı tekserýler aldaǵy ýaqytta ózge óńirlerde de jalǵasady.
Osyǵan deıin, jedel járdem men avtobýstar endi jol erejesin buzǵandardy tirkeıtini týraly habarlaǵanbyz.