Alatau City – ınvestorlar nazarynda

Is-sharaǵa elimiz ben Qytaıdyń memleket­tik organdary­nyń, ınves­tısııalyq qorlarynyń, qarjy ınstıtýttarynyń, developerlik jáne tehnolo­gııa­lyq kompanııalarynyń ókilderi qatysty.

Qatysýshylarǵa Alataý qalasyn damytýdyń negizgi baǵyttary, onyń ishinde ınves­torlarǵa arnalǵan jeńil­dikti jaǵdaılar, ınves­tı­sııalyq jobalardy «bir tereze» qaǵıdaty negi­zinde súıemel­deý, sondaı-aq arnaıy qu­qyq­tyq rejimniń basqa da múm­kindikteri tanystyryldy.

Innovasııalar, sıfrlyq basqarý men ınvestısııalar tartý salasyndaǵy álemdik kóshbasshylardyń biri – Shenchjen tájirıbesin zerdeleýge erekshe nazar aýdaryldy. Qytaı megapolısiniń ozyq tájirıbelerin Alataý qalasyn damytý barysynda paıdalaný josparlanyp otyr. Atap aıtqanda, jańa býyndaǵy akkýmýlıatorlar, energııa saqtaý júıeleri, zamanaýı aýyl sharýashylyǵy tehnıkasy óndiristerin qu­rý, elektr kóligi men qýat­taý ınfraqurylymyn damytý, ónerkásiptik kásip­oryndardy, energetıka nysandaryn, ınjenerlik, kólik pen logıstıkalyq ınfraqurylymdy salý, sondaı-aq Smart City tehnologııalaryn engizý týraly kelisimderge qol qoıyldy.

Roýd-shoý aıasynda jetekshi qytaılyq korpo­ra­sııalar men ınves­tı­sııalyq toptardyń bas­shy­lyǵymen birqatar ekijaqty kezdesý ótkizildi. Kelissózder barysynda Qytaı kompanııalarynyń Alatau City jobalaryn júzege asyrýǵa qatysýy, óndiristerdi lokalızasııalaý, tehnologııalar transferti, qalany damytý salasynda ozyq tájirıbemen almasý máseleleri talqylandy.

Is-shara qorytyndysyn­da yntymaqtastyq týraly 24 kelisimge qol qoıyl­dy. О́nerkásip, energetıka, logıstıka, joǵary tehnologııalar, qalalyq ınfra­qurylym, sıfrlyq ekonomıka salalarynda jalpy ınvestısııalyq áleýeti 6 mlrd dollarǵa deıingi jobalardy júzege asyrý týraly ýaǵdalastyqtarǵa qol jetkizildi.

Shenchjendegi roý­d-shoý halyqaralyq naryq­ta Alatau City-diń ınves­tısııalyq múm­kindikterin ilgeriletýdiń ma­ńyzdy kezeńi boldy ári bız­nes­tiń Alataý qalasyn damy­týǵa qatysýǵa degen joǵary qyzyǵýshylyǵyn rastady.

Investorlardy tartý jónindegi jumys Gonkongtegi jetekshi ınvestısııalyq qorlardyń, qarjy uıym­darynyń, bankterdiń, saqtandyrý kompanııalary men tehnologııalyq korpora­sııalardyń qatysýymen ótetin kelesi is-sharalar aıasynda jalǵasady.