Premer-mınıstr Oljas Bektenov Astana Mining & Metallurgy 2026 kongresine qatysýǵa kelgen Saýd Arabııasy Koroldiginiń О́nerkásip jáne mıneraldyq resýrstar mınıstri Bandar ál-Hýraıfpen kezdesý ótkizdi.
Saýd Arabııasy elimizdiń Taıaý Shyǵystaǵy negizgi saýda-ekonomıkalyq seriktesteri qataryna kiredi. Eki el kóshbasshylarynyń ózara qoldaýy nátıjesinde senimdi ári dostyq qarym-qatynastar ornaǵany atap ótildi.
Byltyr eki el arasyndaǵy ózara saýda kólemi 17%-ǵa artyp, 11,7 mln dollardy qurady. Bıylǵy qańtar-sáýir aılarynda taýar aınalymy 2,9 ese ósip, 6,1 mln dollardan asty. Keıingi 20 jylda Saýd Arabııasy Koroldiginen elimizge tartylǵan tikeleı sheteldik ınvestısııa kólemi 115,3 mln dollardy qurady. Bıylǵy aqpan aıynda qol qoıylǵan Qazaqstan – Saýd Arabııasy úılestirý keńesin qurý týraly kelisim jáne ınvestısııalardy ózara yntalandyrý men qorǵaý týraly kelisim jańa birlesken bastamalardy júzege asyrýǵa qosymsha múmkindikter ashady.
Taý-ken metallýrgııa keshenindegi yntymaqtastyqty odan ári damytý máselelerine, sondaı-aq asa mańyzdy mıneraldar salasyndaǵy birlesken jobalardy júzege asyrý perspektıvalaryna nazar aýdaryldy. Paıdaly qazbalardy barlaý, óndirý men óńdeý, sondaı-aq qosylǵan quny joǵary óndiristerdi damytý salasyndaǵy ózara is-qımyl talqylandy.
Kezdesýge qatysýshylar taý-ken metallýrgııa jáne asa mańyzdy mıneraldar salasynda ekijaqty ózara is-qımyldy arttyrýǵa daıyn ekenin rastady.