Kezdesýde saýda-ekonomıkalyq, ınvestısııalyq yntymaqtastyqty odan ári damytý, ekijaqty taýar aınalymynyń kólemin ulǵaıtý máseleleri talqylandy. Sonymen qatar, dástúrli jáne balamaly energetıka, atom ónerkásibi jáne ǵylym, qorǵanys-ónerkásibi kesheni, avıasııa, aýyl sharýashylyǵy, qazaqstandyq ekologııalyq taza ónimdi eksporttaý salalaryndaǵy ózara tıimdi yntymaqtastyqty tereńdetý perspektıvalary qaraldy.
Eki eldiń Úkimet basshylarynyń pikirinshe, ekijaqty taýar aınalymynyń qazirgi kólemi yntymaqtastyqtyń úlken áleýeti bar ekenin kórsetedi.
«Biz Qazaqstandy eleýli ekonomıkalyq nátıjelerge qol jetkizip jatqan el dep sanaımyz. Ekijaqty qarym-qatynas ornatqanymyzǵa óte qýanyshtymyz», — dep Majarstan Premer-Mınıstri Vıktor Orban, birlesken jumys keleshekte kólemdi ulǵaıtyp, ózara is-qımyl qurylymyn keńeıtýge jáne aýqymdy jobalardy iske asyrýǵa jol ashatynyna senim bildirdi. — Majarstan aldaǵy ýaqytta da Qazaqstanǵa ashyq bolyp, ekonomıkalyq yntymaqtastyq múmkindikterin izdeýdi jalǵastyrady».
Premer-Mınıstr A. Mamın Qazaqstan men Majarstan arasyndaǵy senimdi qarym-qatynastar ekonomıkalyq ózara is-qımyldy damytýǵa qolaıly jaǵdaı jasaıtynyn atap ótti.
«Majarstan – Qazaqstannyń mańyzdy saýda-ekonomıkalyq seriktesi. Eki el arasyndaǵy ózara is-qımyldyń odan ári keńeıe túsýin quptaımyz», — dep A. Mamın, Majarstan kásipkerlerin Qazaqstanda ınvestısııalyq jobalardy iske asyrýǵa belsene qatysýǵa jáne ózara is-qımyldy damytýdyń jańa formalaryn birlesip izdeýge shaqyrdy.
Qazaqstan men Majarstannyń Úkimet basshylary eki el arasyndaǵy ózara saýda men ınvestısııalyq yntymaqtastyqty keńeıtýge múddeli ekenin rastady. Nur-Sultan qalasynda bıyl 29 sáýirde 100 vengr bıznesmeniniń qatysýymen ótetin Qazaqstan–Majarstan Strategııalyq keńesiniń otyrysy saýda kólemin odan ári ulǵaıtýdyń jáne taýar aınalymynyń qurylymyn keńeıtýdiń jańa quraldaryn anyqtaýǵa jol ashady.