Indýstrııalyq aımaqta kólik zaýyty salynady

Qazirgi kezde zaýytty salý úshin Indýs­trııa­lyq aımaqtan tolyqqandy ınfra­­qurylymy bar 25 gektar jer teli­mi bólingen. Zaýyt qurylysyna 25 mlrd teń­ge ınvestısııa­lanyp, jeti júz­­ge jýyq jańa jumys oryndaryn ashý kózdelip otyr. Bul baǵytta qaras­ty­rylǵan qarjy kólemi 32,5 mln teń­geni quraıdy. Zaýytty salýǵa jeke qara­jatpen qatar Qazaq­­stan damý bankinen de qosym­sha qarjy kózderi qaras­tyrylýda. Alǵashqy avtomo­bıl­di shyǵarý 2020 jylǵa qaraı jos­parlanyp otyr.

Koreıadan kelgen dele­ga­sııaǵa jyly iltı­patyn bil­­dirip, ońtústik astananyń ın­vestısııalyq ahýalyna qa­tysty birqatar málimet­ter­men tanystyrǵan Almaty ákimi Baýyrjan Baıbek ótken jyly qala ekonomıkasyna salynǵan ın­ves­tısııa kólemi 10,5, al bıyl qańtar-naýryz aılarynda 4,8 paıyzǵa art­qanyn jet­kizdi. Onyń ishinde sheteldik ınves­tısııa kólemi 21,4 paıyzǵa artyp, 111,1 mlrd teńgege ulǵaıǵan. Al soń­ǵy on jylda Ońtústik Koreıa­dan Qazaqstanǵa salyn­ǵan ın­vestısııa kólemi 3,8 mlrd AQSh dol­laryn quraı­dy. Ońtústik Koreıamen ara­­daǵy taýar aınalymy 182 mln AQSh dol­laryna jetse, bir ǵana Almaty qala­synda 61 bir­­les­ken kásiporyn jumys is­teıdi. 

Búginde aımaqta bızneske qolaıly jaǵdaı týǵyzý maq­satynda qajetti ınfraqury­lym jasaqtalǵan. Osynyń negizinde qurylǵan Indýstrııalyq aımaqta quny 144 mlrd teńge kóleminde 39 joba júzege asýda, onyń ishinde Hyundai Trans Kazakhstan bar. Búginde bes kásiporyn bel­sen­di bolsa, onyń ishinde Ja­po­nııa­nyń «Tokyo Rope Almaty» metall buıymdar zaýyty, Reseıdiń kabel ónimderin shy­ǵa­ratyn «KMK Investment» zaýyty jáne «BRB APK» jylyjaı kesheni bar. Atalǵan kompanııa­lar tarapynan 600 mln teńge kóleminde salyq tólenip, 800-den astam jumys orny ashylǵan. 

Eki eldiń ekonomıkalyq sala­daǵy yqpaldastyǵyna toqtal­ǵan Ońtústik Koreıa Saýda, ónerkásip jáne energetıka mı­nıstri Son Iýn Mo kólik zaýy­­tyn salýǵa baılanysty keli­sim­­sharttyń alǵash­qy keli­ssóz­deri naýryz aıyn­da Seýl qala­synda ótken ekono­mıkalyq máse­leler boıynsha Qazaqstan – Koreıa komıtetiniń oty­rysynda talqylanǵanyn jet­kizdi. Búginde Koreıa álemdik naryqta avtokólik qana emes, jartylaı daıyn ónimder, aqparattyq-kommýnıkasııa­lyq tehnologııalar jáne robottehnıka salasynda da kóshbasshy oryndardy ıele­nip keledi. Endigi kezekte Qazaq­stan aýma­ǵynda salynǵan zaýyt ónimderi ishki naryqta ǵana emes, Reseı, О́zbek­stan men ózge de elderge eksportta­latyn bola­­dy. Koreıa uzaq jyldar­da jı­na­ǵan táji­rı­­be­si­men bólisip, Qazaq­stannyń óner­kás­ip sa­lasyn­daǵy senimdi áriptesine aınalmaq.

Mashına jasaý óndirisi Qazaq­­stannyń ındýstrııalandyrý baǵ­darlamasyndaǵy basym baǵyt­tardyń biri ekenin atap ótken Indýstrııa jáne ınf­­raqu­ry­lymdyq damý mın­ıstri Roman Sklıar búginde Koreıa­­men birlesken áriptestik aıasyn­­da otandyq mashına jasaý salasynyń strategııa­sy ázir­­len­genin jetkizdi. Kommer­sııa­lyq maqsatta qolǵa alynǵan bul jobaǵa memleket tarapynan qoldaý kórsetilip otyr. Jańa zaýyt bolashaqta ónim kólemin ulǵaıtýǵa múmkindik berýmen qatar, Ortalyq Azııadan ózge de elderge eksporttyq áleýetin arttyryp, Koreıanyń mashına jasaý óndirisindegi ozyq tájirıbeleri otandyq ónerkásip salasynyń damýyna tyń serpin beredi. Elimizde búginde SsangYong, Hea, Hyundai álemdik brendteriniń óndirisi artyp keledi. О́tken jyly elimizde 32000 avtokólik óndirilgen.

Astana Group prezıdenti Nurlan Smaǵulov jańa zaýyt irgesiniń qalanýy elimizdiń av­to­kólik óndirisi úshin aıtýly oqı­ǵa ekenin atap ótti. Hyun­dai otan­dyq mashına shy­ǵarý nary­ǵyna jańa tehno­lo­gııa­lyq múmkindik bere otyryp, buryn­ǵy­laryna múldem uqsamaı­tyn zamanaýı úlgileri­men erek­shelenedi. Ári taıaý bola­shaq­ta Eýrazııalyq ekonomıkalyq odaq elderine joǵary sapaly ónim eks­port­t­aý múmkindigi jasa­lady. Al mashına ja­saý salasyn­daǵy maman máselesi Re­­seı­men keli­sim aıasynda júzege asatyn bolady.

Búginde atalǵan kompanııa elimizdiń nary­ǵyna 11 avto­mobıl brendin usy­n­yp otyr ári Hyundai jeńil jáne kom­mer­­sııa­lyq tehnıkasynyń resmı dıs­trıbıýtory. 2011 jyldan Hyundai kommersııalyq tehnıkasyn qurasty­ratyn avtomobıl qurastyrý kásipor­ny iske qosylyp, Reseıge, Belarýs jáne Tájikstan elderine eksporttala bastady. Qazaqstandaǵy Hyundai eń kóp satylatyn avtomo­bıl­der­diń úshtigine kiredi. 

Jańa kásiporynnyń qýaty birinshi kezeńde jylyna 30 myń, al ekinshisinde 45 myń avtomobıl shyǵarý múmkindigine ıe. Sapa­ly ári baǵasy jaǵynan qol­jetim­di Hyundai markaly jeńil kó­lik­termen otandyq naryq­ty ǵa­na emes, eldiń eks­port­tyq áleýe­tin arttyrýdyń múmkin­digi zor. Zaýytta Hyundai bren­diniń barlyq sándik úlgileri quras­­ty­ryl­maq. Birinshi kezeńde Hyundai jelisi jeńil model­deriniń tolyq sık­lin, ke­ıinnen Creta modelderin shy­­ǵarý jelisi iske qosylatyn bolady.  Zaýyttyń quramyna dáneker­leý sehy, boıaý sehy, quras­tyrý sehy, plastık pa­nel­derdi shyǵarý sehy men sapany baqy­laý bólimi kiredi. Zaýyt Ońtús­tik Koreıa jáne Japonııada óndiril­gen jańa teh­no­logııalarmen jab­dyqtalatyn bolady.  ALMATY