Qytaıda erkin kúresten ótip jatqan Azııa birinshiliginde soltústikqazaqstandyq balýan Nurqoja Qaıpanov jeńistiń eń bıik tuǵyryna kóterildi.
Sportshyny ataýly jeńisimen aımaq basshysy Qumar Aqsaqalov quttyqtady.
«Soltústikqazaqstandyq balýan Nurqoja Qaıpanov erkin kúresten Azııa chempıony atandy. Bul– oblys tarıhynda erkin kúresten qorjynǵa túsken alǵashqy altyn júlde. Nurqojany, onyń bapkerin jáne búkil soltústikqazaqstandyqtardy mańyzdy jeńispen quttyqtaımyn!», delingen quttyqtaý hatta.
Nurǵoja 70 kılo salmaq boıynsha beldesip, barlyq qarsylastaryn qapy qaldyrdy. Ol kúres álippesin Petropavl qalasyndaǵy sportqa mamandyrylǵan mektep-ınternatta bastaǵan. Qazir ony teriskeılik jattyqtyrýshy Saǵyndyq Beısenbaev baptap júr.