«Ońtústik Qazaqstan medısına akademııasynyń óz qarjysy esebinen qoldanystaǵy oqý ǵımaratyn 450 oryndyq jataqhana etip, qaıta qurý jumystary júrgizilýde. Jataqhana osy jyldyń qyrkúıek aıynda paıdalanýǵa beriledi. Ekinshiden, ákimdik tarapynan Shymkent áleýmettik kásiptik korporasııasy arqyly 5 myń oryndyq jataqhana salý josparlanyp otyr», dedi Ǵabıdolla Ábdirahymov.
Megapolıs basshysynyń aıtýynsha, Shymkent-sıtı aýdanynan 2 gektar jer bólinip, 2,5 myń oryndyq 12 qabatty 8 jataqhana salynatyn bolady. Sonymen qatar, qalǵan jataqhana ornynyń tapshylyǵyn joıý úshin Turan shaǵyn aýdanynan qosymsha 4 gektar jer bólindi.
«Qazirgi ýaqytta JSQ ázirlenip, jeke ınvestorlarmen kelissózder júrgizilýde. Jalpy, osy jyly 1 810 oryndyq birneshe jataqhana paıdalanýǵa beriledi. Qaladaǵy stýdent jastardy jataqhana máselesi 2021 jyly tolyq sheshiletin bolady», dedi Ǵ.Ábdirahymov.