Jambyl aýdandyq ekonomıka jáne bıýdjettik josparlaý bóliminiń málimeti boıynsha atalmysh aýdanda bıyl bıýdjettik nesıeler baǵdarlamasyna 189 mln 375 myń teńge bólingen. Osy qarajattan 21 jas mamanǵa 76 mln 071 myń teńge bıýdjettik nesıe tóleýge qujattar rásimdelýde. Onyń ishinde, densaýlyq saqtaý salasy boıynsha 5 maman, veterınarııada – 1, bilimde 15 jas ustaz bar. Árbir jas mamanǵa turǵyn úı satyp alý úshin bólinetin bıýdjettik qarjy – 1500 aılyq eseptik kórsetkish mólsherinde. Bul – 3 mln 787 500 teńge somasynda.
Aýdanda «Aýyldyq eldi mekenderge jumys isteý jáne turý úshin kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne agroónerkásiptik keshen mamandaryna áleýmettik qoldaý sharalaryn usyný» baǵdarlamasyn júzege asyrýǵa 11 mln 489,0 myń teńge bólingen. Ol qarajattan 31 jas mamanǵa 5 mln 479,2 myń teńge kóleminde kóterme járdemaqy tólendi. Osy kóterme járdemaqyny alǵandardyń 21-i – bilim, 5-ýi –veterınarlyq, taǵy 5-ýi – densaýlyq saqtaý salasynda. Olardyń árqaısysy 176 750 teńgeden qarjylaı qoldaýǵa ıe boldy.