Aıtýly jarysta Anna bes dúrkin rıngke kóterilip, onyń ekeýin merziminen buryn aıaqtaǵan eken. Jattyqtyrýshy Albert Aldııarovtyń aıtýyna qaraǵanda, Anıanyń bul jekpe-jek saıys túrimen aınalysqanyna kóp bola qoımapty.
«Azǵana ýaqytta djıý-djıtsý sııaqty kúrdeli saıys túrin Anna Vodolazova jap-jaqsy meńgerdi. Bolashaqta bul qyz elimizdiń kók týyn kókke kótereri sózsiz. Men buǵan tolyq senimdimin», deıdi Albert myrza.
Jetimder úıiniń dırektory Gúlmıra Qondybaevanyń sózine qulaq túrsek, balǵyn sportshy mekeme qabyrǵasynda bıyl besinshi jyl tárbıelenip jatyr eken. Qaladaǵy №70 orta mektepte oqıdy. Sabaq úlgerimi jaqsy. «Joǵarydaǵy mártebeli jarysqa toǵyz shákirtimiz bardy. Anıa altynnan alqa taqsa, taǵy bir tárbıelenýshimiz Lıýba Temnıkova úshinshi orynǵa ıe boldy. Ekeýi de jetim qyzdar. Lıýba qazaq mektebinde oqıdy, qazaq tilin jáne salt-dástúrin jaqsy biledi, sportty jaqsy kóredi. Ekeýi de óte aqyldy qyzdar», deıdi mekeme basshysy.