Qazaqstan halqy birligi kúni oblys ortalyǵynan alys ornalasqan Aıyrtaý aýdanynyń turǵyndary úlken qýanyshqa bólendi.
Oblys ákiminiń orynbasary Asqar Saqypkereev paıdalanýǵa berilgen 80 páterli úıdiń kiltterin qonystanýshylarǵa saltanatty túrde tabys etti.
«Adamdardyń qoljetimdi baspanaǵa muqtajdyǵyn sheshý baǵytynda memleket tarapynan aýqymdy jumystar júrgizilip keledi. Bul oraıda, az qamtylǵan jandar men kópbalaly otbasylar úshin jeńildikter qarastyrylǵan», dedi Asqar Jolamanuly.
Tórt bala tárbıelep otyrǵan ana Olga Beıaeva úı kezeginde segiz jyl turypty. Bir balasy – múgedek. Buǵan deıin baspana jaldap, kún keship kelgen. Endi úsh bólmeli baspanaǵa qol jetkizip otyr.
Alty ul-qyzy bar jalǵyzilikti ana Ásemgúl Janyqulova tórt bólmeli páterge ıe boldy.