Beısenbi, 4 sáýir 2013 1:56
Bir zamandary ómir shyndyǵyn tap basyp kórsetken orys jazýshysy N.Gogoldiń Reseıdiń eki sory týraly aıtqany bar edi. Onyń birinshisi joldyń jaıy bolatyn. Búgingi tańda mıllıondaǵan mashına jortyp júrgen Qazaq eli jolynyń da kóp jaǵdaıda syn kótere bermeıtini aıdaı anyq. Ásirese, kóktem kelip, qar erigennen keıingi kezeńde joldardyń ot ornyndaı oıdym-oıdym, shurq-tesik bolyp júrgizýshilerdiń júıkesine tıetinin eshkim joqqa shyǵara almasa kerek.
Beısenbi, 4 sáýir 2013 1:56
Bir zamandary ómir shyndyǵyn tap basyp kórsetken orys jazýshysy N.Gogoldiń Reseıdiń eki sory týraly aıtqany bar edi. Onyń birinshisi joldyń jaıy bolatyn. Búgingi tańda mıllıondaǵan mashına jortyp júrgen Qazaq eli jolynyń da kóp jaǵdaıda syn kótere bermeıtini aıdaı anyq. Ásirese, kóktem kelip, qar erigennen keıingi kezeńde joldardyń ot ornyndaı oıdym-oıdym, shurq-tesik bolyp júrgizýshilerdiń júıkesine tıetinin eshkim joqqa shyǵara almasa kerek.
Jaqynda Almatyǵa baryp, Qapshaǵaı qalasyna atizin salǵan edik. Kezinde talaıdy tańdaı qaqtyrǵan tas joldyń búgingi jaǵdaıy kóńilge qaıaý túsirdi. Árıne, ondaı joldar qaı óńirge atbasyn tireseńiz de aldyńnan shyǵyp jatady. Shuqyrlardan qashyp birese olaı, birese bylaı «bulǵaqtaǵan» kólikterden kóz súrinedi. Ańdaýsyzda shuqyrǵa túsip ketip, dóńgelegi jarylǵan mashınalar da kezdesedi. Osyndaı haldegi bir azamat qol kótergen soń, attap ótip kete almaı toqtaýǵa týra keldi. Alpystan asyp, jetpisti alqymdap qalǵan, óńin ájim torlaǵan, júzi kúreńitken aǵamyz: «Mynaý sumdyq qoı, qaltalylardyń mashınasy synsa qınalmaı jóndep alady, al tıyn-tebendi bala-shaǵanyń aýzynan jyryp, eski kólikke áreń qol jetkizgen biz sekildilerdiń aıaq artary synsa kim qaraılasady? Osy jol ońdy ǵoı desek, bul da bitipti», dedi. Taǵy da ol: «Álginde bir kólik júrgizýshi oılandyrar pikir aıtyp, ana kópirdiń jaqtaýyndaǵy sózdi oqy, bosqa kúıip-janǵansha toıattap tura bermeısiń be?» demesi bar ma. Artynan qarasam, kópirge kósh qulash etip: «Qazaqstan qazynaly el, qarqyndy damyǵan el» dep ilip qoıypty. Sony oqyǵannan keıin: «Bizdegi sóz ben is qashan úılesim tabar eken, demeske sharam qalmady», dep keıistik tanytty.Shynynda, keıbir ákim-qaralar, basqa da basshylar ózderi qyzmet etip júrgen óńirdiń hal-qadirin eskermeı, kez kelgen jerge, tipti, usqyny ketken aýyldardyń kireberisine de urandy sózderdi, Elbasy áldeneshe ret eskertkenine qaramaı, jurt qalaı qabyldaıdy demeı kórinip qalý úshin Memleket basshysynyń sýretin jalaýlatyp ilip qoıatyny bar. Mundaı kózboıaýshylyq kóp jaǵdaıda el kóńilinen shyqpaı jatatynyn nesin jasyramyz. Jalpy, is pen sóz úılesip baryp, tyńǵylyqty ispen dáıektelse, halyq kóńilinen shyǵary haq. Al sóz ádemi jazylyp, is nátıjeli bolmasa, ol qumǵa sińgen bir tamshy bolary aqıqat.Iá, «Sóziń – óziń» dep Alash arysy Sultanmahmut Toraıǵyrov aıtqandaı, jol boıyndaǵy sýret pen sózderdi súzgiden ótkizip, shyndyqtyń shyraıyn ulttyq rýhanııatymen astastyra alsaq nur ústine nur bolar edi.
Súleımen MÁMET,«Egemen Qazaqstan».