Qazirgi zamanaýı medısınalyq mekeme osy jyldyń qańtar aıynda ashyldy. Ortalyq jyl saıyn ár túrli dárejedegi kórý qabileti buzylǵan 5000 pasıentterdi qabyldaı alady.
Basshylyqtyń sózinshe, mekemede oblys turǵyndary, shetelge shyqpaı, eýropalyq deńgeıdegi joǵary mamandandyrylǵan oftalmologııalyq kómek ala alady.
Ortalyqtyń alańy – 2 myńnan astam sharshy metr, 35 tósek bar. Onda kózdiń tor qabyǵy patologııasynyń jáne kórý nervisiniń emdeý úshin qazirgi zamanǵy dıagnostıkalyq qural-jabdyqtar ornatyldy. Budan basqa, ortalyqta operasııalardy júrgizýge nıetti. Qant dıabetimen aýyratyn adamdardyń kóz aýrýlaryn anyqtaý úshin lazerlik qyzmeti bar.
Medısınalyq mekemede tegin jáne aqyly negizde halyqqa qyzmet kórsetý táýlik boıy beriledi. Sonymen qatar, ortalyqta balalar oftalmologııa bólimshesin qurý josparlanǵan.
- Bul nysannyń áleýmettik mańyzdylyǵy zor. Osy ýaqytqa deıin Soltústik Qazaqstan oblysynda mundaı medısınalyq mekemeler joqtyń qasy. Eń bastysy, ortalyqta operasııalar tegin jasalady. Mekeme zamanaýı medısınalyq quraldarmen jabdyqtalǵan jáne emdelýshilerdiń kóńilinen shyǵýda, ıaǵnı klınıka óziniń tıimdiligin dáleldeýde, - dedi Májilis depýtaty Artýr Platonov.
Qazirgi tańda oftalmologııalyq ortalyqta shamamen óńirdiń 7 myń turǵyny esepte tur. Olardyń arasynda – glaýkoma, mıopııa jáne katarakta aýrýlary bar 2,5 myń balalar men jasóspirimder.
Májilismender oftalmologııa ortalyǵynyń dáregerlerimen kezdesý barysynda Tuńǵysh Prezıdent - Elbasy Nursultan Nazarbaevtyń áleýmettik bastamalaryn zańnamalyq súıemeldeý, eldegi áleýmettik salany, ásirese densaýlyq saqtaý salasyn damytýdyń máselelerine erekshe toqtaldy.