Kandıdattardy tirkeý týraly qaýly qabyldandy

Osyǵan oraı Qasym-Jo­mart To­qaevty Qazaqstan Res­pýb­lıkasynyń Pre­zıdent­tigine kandıdat retin­de tirkeý týraly másele qara­lyp, Ortalyq saılaý komıs­sııasynyń hatshysy Sábıla Mustafına qaýly jobasymen tanys­tyrdy. Ol Nur Otan partııasy 2019 jylǵy 23 sáýirde Ortalyq saılaý komıssııasyna Qasym-Jomart Toqaev­ty Prezıdenttikke kandıdat retinde usyný týraly qujattaryn berdi, dedi. Sondaı-aq kandıdattyń mem­­le­kettik tildi erkin meń­ger­gendigin anyq­taý týraly Ortalyq saılaý komıs­sııa­­synyń qaýlysyna saı, Qa­sym-Jomart Toqaevtyń Konstıtýsııa men «Qazaq­stan Respýblıkasyndaǵy saılaý týraly» Konstıtýsııalyq zań­nyń talaptaryna sáıkestigi anyqtalyp, oǵan azamattardyń qoldaryn jınaý úshin qol qoıý paraqtary berildi, dedi.

Sonymen qatar Ortalyq saılaý komıs­sııasy Qazaq­stannyń barlyq 17 óńi­rinen Qasym-Jomart Toqaevty qoldaýǵa 315 910 azamattyń qo­ly jınalyp, onyń 313 653-i 

durys dep tanyl­ǵanyn habarlady. Jalpy, Ortalyq saılaý komıssııasynyń talaptaryna saı, kandıdatty qoldaý úshin qajetti qol sany keminde 118 140 bolýy kerek. Demek, Qasym-Jomart To­qaevty Pre­zı­denttikke kandıdat retinde tirkeýge qajetti barlyq qujat Ortalyq saılaý komıssııasyna usynylǵan jáne qoıylatyn talaptarǵa tolyq sáıkes keledi. Sóıtip atalǵan qaýly negizinde Qasym-Jomart Toqaev Qazaqstan Respýb­lıkasy Prezıdenttigine kandıdat retin­de tirkeldi. Al Ortalyq saılaý ko­mıs­sııasynyń tóraǵasy Berik Ima­shev Prezıdenttikke kandıdat Qasym-Jomart Toqaevqa tıisti kýálikti tabys etti. 

Budan keıin atalǵan saı­laýǵa Sádi-Bek Túgeldi Pre­zı­denttikke kandıdat re­tinde tirkeý týraly qaýly jo­basy tyńdaldy. Ol baıanda­many Ortalyq saılaý komıs­sııasynyń múshesi Baqyt Mel­deshov jasady. Baıandamashy 2019 jyly 22 sáýirde «Uly Dala Qy­randary» res-

pýb­­lıkalyq qoǵamdyq máde­­nı-áleýmettik birlestigi Orta­­lyq saılaý komıssııasyna Pre­­zıdenttikke kandıdat re­tin­de Sádi-Bek Túgeldiń qu­jat­taryn usynǵanyn aıtty. Osy qu­jattar negizinde onyń Kons­tıtýsııa men «Qazaqstan Res­pýblıkasyndaǵy saılaý týraly» Konstıtýsııalyq zań talaptaryna sáıkestigi anyq­talyp, oǵan azamattardyń qol­daryn jınaý úshin qol qoıý paraqtary berilgen.

Sóıtip Ortalyq saılaý ko­mıssııasyna respýblıka boıynsha azamattardyń jı­nal­ǵan qoldaryn tekserý nátı­jeleri jóninde hattama usy­nylǵan. Osy hattamalar ne­gizinde Prezıdenttikke kan­dıdat retinde Sádi-Bek Túgel­di qoldaýǵa eldiń barlyq óńirinen 122 102 azamattyń qoly jınalyp, olardyń 120 175-i durys dep tabylǵan. Osy­laısha Sádi-Bek Túgeldi Pre­zıdenttikke kandı­dat retin­de tirkeýge qoıylatyn talap­­tarǵa tolyq sáıkes keledi dep uıǵa­ryldy. Sóıtip Sádi-Bek Túgeldi Qazaqstan Res­pýb­lıkasy Prezıdenttigine kandıdat retinde tirkeý týraly» qaýly qabyldanyp, oǵan tıisti kýálik tabys etildi.

Budan keıin Amangeldi Taspıhovty Qazaqstan Res­pýb­lıkasynyń Pre­zı­denttigine kandıdat retinde tirkeý  talap­qa saı ótti. Qaýly jobasy týraly Ortalyq saılaý komıs­sııasynyń hatshysy Sábıla Mustafına baıandama jasady. Ol 2019 jylǵy 25 sáýirde «Qazaqstan Res­pýblıkasynyń Kásipodaqtar federasııasy» respýblıkalyq kásipodaqtar birlestigi Ortalyq saılaý ko­mıssııa­syna Prezıdenttikke kandıdat retin­de Amangeldi Taspıhovtyń usynyl­ǵan barlyq qajetti qujattary anyq­talyp, qabyldanǵanyn jet­kizdi. Osy qujattardyń negi­zinde Aman­geldi Taspıhov­tyń zań talaptaryna sáıkestigi anyqtalyp, oǵan azamattardyń qoldaryn jınaý úshin qol qoıý paraqtary berilgen. Sóı­tip, el boıynsha Amangeldi Tas­pıhovty qoldaǵan 122 770 aza­mattyń qoly jınalyp, olar­dyń 119 577-i talapqa sáıkes dep tanyldy. Sonyń negizinde qaýly qabyldanyp, Amangeldi Taspıhovqa kandıdat kýáligi berildi.

Sol sekildi Qazaqstan Res­pýblıkasy Pre­zıdentiniń kezekten tys saılaýyna Danııa Espaevany Qazaqstan Res­pýb­lıkasynyń Prezıdenttigine kandıdat retinde tirkeý týraly másele qaralyp, ony Ortalyq saılaý komıssııasynyń mú­she­si Záýresh Baımoldına tanys­tyrdy. 2019 jylǵy 25 sáýirde Qazaq­stannyń «Aq jol» Demokratııalyq par­tııa­sy Prezıdenttikke kandıdat retin­de Danııa Espaevanyń qujattaryn usyn­dy. Res­pýb­lıka boıynsha kandıdat Danııa Es­pae­vany qoldaǵan 144 098 azamattyń qo­ly jınalǵan, olardyń 139 541-i ras bolyp tanyldy. Sondyqtan Danııa Es­paeva da Qazaqstan Respýblıkasy Pre­zıdenttigine kandıdat retinde tirkelip, oǵan tıisti kýálik berildi.