Birlik kúni baspanaly boldy

Mereke barysynda birneshe kóp balaly otbasylar aıtyp-jet­­­­­­kizgisiz qýanyshqa bólendi. Bul kúni olar jańa baspanaǵa ıe bo­­lyp, qonys toıyn toılady. Saıabaqqa jıylǵan halyqty merekemen quttyqtaǵannan keıin oblys ákimi Erlan Qoshanov  kóp ­­balaly 10 otbasyna «Úsh ­­japyraq» turǵyn úı kesheninde oryn tepken jańa páterlerdiń kilt­terin tabys etti. 

Jalpy, oblys boıynsha, atap aıtqanda Temirtaý, Balqash, Saran, Shahtınsk, Prıozersk, Qarajal qalalarynda, Abaı, Buqar jyraý, Qarqaraly jáne Nura aýdandarynda bul kúni 27 otbasy baspanaly boldy.

– Bul – eń meıirimdi jáne jar­qyn mere­kelerdiń biri. Osyn­­daı kúni beıbitshi­lik­ pen kelisimde ómir súrý bizdiń halqymyz­dyń eń basty baılyǵy ekeni erek­she sezi­ledi. Elbasynyń arqa­synda elimizde ult­ara­lyq keli­simniń biregeı úlgisi, se­nim, yntymaqtastyq pen ózara túsinistiktiń erekshe ahýaly qa­lyp­tasty. Bizdiń kúshimiz osynda, – dedi oblys basshysy.

Oblys ákimi, sonymen qatar mamyr aıynyń sońyna deıin 130-dan astam kóp­ balaly otbasynyń baspanaǵa ıe bolatynyn málim etti. Al jyl sońyna deıin oblys­ta 560 kóp balaly otbasyn baspanamen qamtý jos­parda bar.

Baspanaly bolyp, qýanyshy qoınyna syımaǵan kóp balaly ana Aıgúl Ábisheva atqarýshy bı­lik­ke degen óziniń alǵysyn zor tebirenispen aıtty. 

– Men óte qýanyshtymyn. Osy kúndi 19 jyl kúttik, mine búgin, osyn­daı jarqyn merekede oblys ákiminiń qolynan páter kil­tin alyp otyrmyz. Meniń alty balam bar, búgingi kúnge deıin páter jaldap turdyq, biraz qınaldyq. Biraq endi bizde bári jaqsy bolady. Osyndaı syılyq úshin bar­lyǵyńyzǵa raqmet! Bul kún – biz­diń otbasy úshin esten ketpes erek­­­­­she kún bolyp qalady, – dedi ol.

1 mamyr kúngi mereke ob­lys­­­­­­­tyń qalalary men aýdan or­talyq­tarynda, barlyq eldi me­ken­­derinde keńinen atalyp ótti. Bul kúni saıabaqtar men alań­darda teatrlandyrylǵan qoıylymdar men konsertter jáne oblysty me­ken etken túr­li ulttardyń dás­­­­túr­li ta­ǵamdarynyń baıqaýy uıym­­­­­das­tyryldy. QARAǴANDY